திமுகவுக்கு 136.. விஜய்க்கு 74.. அதிமுகவை முந்தும் தவெக.. டுடேஸ் சாணக்யா எக்ஸிட் போல்

Updated: Thursday, April 30, 2026, 19:36 [IST]

Subscribe to Oneindia Tamil

சென்னை: தமிழகத்தில் திமுக கூட்டணியே மீண்டும் ஆட்சி அமைக்கும் என்று டுடேஸ் சாணக்யா கருத்துக்கணிப்பு வெளியிட்டுள்ளது. திமுக கூட்டணி 114 - 136 தொகுதிகளில் வெற்றி பெறும் என்றும், அதிமுக கூட்டணி 34 முதல் 56 தொகுதிகளில் வெற்றி பெறும் என்றும், விஜய்யின் தவெக 52 முதல் 74 தொகுதிகளில் வெற்றி பெற வாய்ப்பு உள்ளது என்றும் டுடேஸ் சாணக்யா கருத்துக்கணிப்பு வெளியிட்டுள்ளது.

தமிழக சட்டசபை தேர்தல் முடிவுகள் வரும் மே 4 ஆம் தேதி வெளியாகிறது. அதற்கு முன்னதாக தேர்தலுக்கு பிந்தைய கருத்துக்கணிப்புகள் வெளியாகி வருகின்றன. நேற்று மேற்கு வங்கத்தில் தேர்தல் நடந்து முடிந்துள்ள நிலையில் மாலை 6 மணிக்கு பிறகு எக்ஸிட் போல் முடிவுகள் வெளியாகின.

Today s Chanakya Survey Predicts DMK Alliance Comeback in Tamil Nadu Vijay TVK Likely to Overtake AIADMK

அதிமுகவை முந்தும் விஜய்

இதில் பெரும்பாலான கருத்துக்கணிப்பு முடிவுகள் தமிழகத்தில் திமுக கூட்டணியே மீண்டும் வெற்றி பெற வாய்ப்பு உள்ளது என்றும், ஒரு சில கருத்துக்கணிப்புகள் அதிமுக கூட்டணி வெற்றி பெற வாய்ப்பு உள்ளது என்றும் கூறியிருந்தது. இந்த நிலையில் டுடேஸ் சாணக்யா இன்று கருத்துக்கணிப்பு முடிவுகளை வெளியிட்டுள்ளது. இதில் திமுக கூட்டணியே வெற்றி பெறும் என்று தெரிவித்துள்ளது.

டுடேஸ் சாணக்யா கருத்துக்கணிப்பின் படி, திமுக கூட்டணி 114 - 136 தொகுதிகளில் வெற்றி பெறும். அதிமுக கூட்டணி 34 முதல் 56 தொகுதிகளில் வெற்றி பெறும். விஜய்யின் தவெக 52 முதல் 74 தொகுதிகளில் வெற்றி பெற வாய்ப்பு உள்ளது. மற்றவை 0 முதல் 2 தொகுதிகள் வெற்றி பெற வாய்ப்பு உள்ளது.

வாக்கு சதவீதம் எவ்வளவு

வாக்கு சதவீதத்தினை பொறுத்தவரை திமுக கூட்டணி மொத்தமாக 39 சதவீத வாக்குகளை பெறும். அதிமுக கூட்டணி 27 சதவீத வாக்குகளையும், விஜய்யின் தவெக 30 சதவீத வாக்குகளையும், மற்றவை 4 சதவீத வாக்குகளையும் பெறும் என்று கணித்துள்ளது. இதில் தமிழ்நாட்டில் இஸ்லாமியர்களின் வாக்குகள் 64 சதவீதம் திமுகவுக்கே கிடைக்கும் என்றும் கூறியுள்ளது.

பிற்படுத்தப்பட்டோர் வாக்குகள் 36 சதவீதம் பேர் திமுக கூட்டணிக்கே வாக்களித்துள்ளனர். மிகவும் பிற்படுத்தப்பட்டோர் 38 சதவீதம் பேர் திமுகவுக்கு வாக்களித்துள்ளனர் என்றும் கூறியுள்ளது. கிறிஸ்தவர்கள் 49 சதவீதம் பேர் திமுக கூட்டணிக்கே வாக்களித்திருக்க வாய்ப்பு உள்ளதாகவும் கூறியுள்ளது. பெரும்பான்மைக்கு 118 இடங்கள் தேவை என்கிற பட்சத்தில் திமுக கூட்டணி அதைவிட அதிகமாகவே பெற்று வெல்ல வாய்ப்பு உள்ளதாக கூறியுள்ளது.