யார் இந்த விஷ்ணு ரெட்டி? விஜய் கொடுத்த சர்ப்ரைஸ் அசைன்மென்ட்... 'இரட்டைக்குழல் துப்பாக்கி' வியூகம்!
சென்னை: தமிழக முதல்வர் விஜய், தனது புதிய அரசாங்கத்தின் நிர்வாக உத்திகளை வலுப்படுத்தும் வகையில், முக்கிய ஆலோசனைக் குழுவை அமைத்துள்ளார். இதில் குறிப்பாக, விஷ்ணு ரெட்டி என்பவரைத் தனது "பொது நிகழ்வுகள் ஆலோசகராக" (Advisor for Public Events) நியமித்து அதிகாரப்பூர்வ அறிவிப்பை வெளியிட்டுள்ளார். தமிழக வெற்றிக் கழகத்தின் (தவெக) இந்த அதிரடி அரசியல் நகர்வு, அரசியல் வட்டாரங்களில் தற்போதைய மிக முக்கிய பேசுபொருளாக மாறியுள்ளது.
விஷ்ணு ரெட்டி யார்? அவருக்கு வழங்கப்பட்ட பொறுப்பு என்ன?
முதல்வர் விஜய்யின் அன்றாடப் பொது நிகழ்ச்சிகள், அரசு விழாக்கள் மற்றும் மக்களைச் சந்திக்கும் பயணத் திட்டங்களை மிகவும் திட்டமிட்டு, நேர்த்தியாகவும் துல்லியமாகவும் ஒருங்கிணைக்கும் ஒரு மிக முக்கியப் பொறுப்பு விஷ்ணு ரெட்டி அவர்களிடம் ஒப்படைக்கப்பட்டு உள்ளது.
அரசு நிர்வாகத்தில் முதலமைச்சரின் நேரடிப் பங்களிப்பை முறைப்படுத்துவது, மக்கள் குறைகளைக் கேட்கும் தளங்களை உருவாக்குவது மற்றும் பொது நிகழ்வுகளின் போது பின்பற்ற வேண்டிய பாதுகாப்பு நெறிமுறைகள் போன்ற அனைத்தையும் முன்னின்று நடத்தும் பொறுப்புகள் இவருக்கு வழங்கப்பட்டுள்ளன. மேலும், முதலமைச்சரின் நற்பெயர் (Image) மற்றும் தமிழக அரசின் முக்கியத் திட்டங்கள் எந்தவித தொய்வும் இன்றி மக்களிடம் நேரடியாகச் சென்றடைவதைக் கண்காணிக்கும் பிரதானப் பணியும் இவருடைய ஆலோசனைக் குழுவின் கீழ் வரும் என்று தலைமைச் செயலக வட்டாரங்கள் தெரிவிக்கின்றன.
ஜான் ஆரோக்கியசாமியின் வருகையும், அரசியல் முக்கியத்துவமும்
விஷ்ணு ரெட்டியின் நியமனத்துடன் சேர்த்து, மற்றொரு முக்கிய நியமனமாக "அரசியல் ஆலோசகராக" (Political Advisor) பிரபல தேர்தல் வியூக வகுப்பாளர் ஜான் ஆரோக்கியசாமி (John Arokiasamy) நியமிக்கப்பட்டுள்ளார். உலகளாவிய ரீதியிலும், இந்திய அளவிலும் பல்வேறு முக்கியத் தேர்தல்களில் முன்னணி அரசியல் தலைவர்களுக்குப் பின்னால் இருந்து தேர்தல் வியூகங்களை வெற்றிகரமாக வகுத்துக் கொடுத்த பழுத்த அனுபவம் வாய்ந்தவர் ஜான் ஆரோக்கியசாமி என்பது குறிப்பிடத்தக்கது.
கடந்த காலங்களில் பாமக போன்ற தமிழகத்தின் முக்கியக் கட்சிகளின் மெகா பிரச்சார உத்திகளுக்குப் பின்னால் இவருடைய பங்களிப்பு மிக முக்கியமானதாக இருந்தது. தற்போது முதலமைச்சர் விஜய்யின் அரசியல் ஆலோசகராகப் பொறுப்பேற்றுள்ள ஜான் ஆரோக்கியசாமி, தவெக அரசின் அடுத்தகட்ட அரசியல் நகர்வுகள், கூட்டணிக் கட்சிகளைச் சீராகக் கையாளுதல், மற்றும் சட்டமன்றத்தில் எதிர்கட்சிகளின் சவால்களை அரசியல் ரீதியாக எதிர்கொள்வதற்கான உத்திகளை வடிவமைப்பதில் மிக முக்கியப் பங்காற்ற உள்ளார்.
யார் இவர்?
விஜய்யின் நெருங்கிய நண்பரும், பிரபல தொழிலதிபருமான விஷ்ணு ரெட்டி, கட்சியின் சமீபத்திய அரசியல் நகர்வுகளில் மிக முக்கியப் பங்காற்றி வருகிறார். தவெக-வின் முக்கிய அரசியல் வியூகங்கள் மற்றும் களப்பணிகளை வகுப்பதில், குறிப்பாக கட்சியின் பிரம்மாண்ட சமூக ஊடகக் கட்டமைப்பை வழிநடத்துவதில் இவர் பின்னணியாக இருந்து செயல்பட்டதாக நம்பத்தகுந்த வட்டாரங்கள் தெரிவிக்கின்றன.
கல்லூரி காலத்தில் இருந்தே இவர்கள் இருவரும் நண்பர்கள். அண்மையில், ஆளுநரைச் சந்திக்கச் சென்ற தவிக தலைவர்கள் அடங்கிய முக்கியக் குழுவில் விஷ்ணு ரெட்டியும் இடம்பெற்றிருந்தது, கட்சியின் உயர்மட்ட ஆலோசனைக் குழுவிலும் அவரது செல்வாக்கையும், முக்கியத்துவத்தையும் உறுதிப்படுத்தும் வகையில் அமைந்துள்ளது.
நிர்வாகமும் அரசியலும்: விஜய்யின் இரட்டைப் பாசிட்டிவ் நகர்வு
தமிழகத்தில் அண்மையில் நடைபெற்ற சட்டமன்றத் தேர்தலில் வெற்றி பெற்று, புதிய அமைச்சரவையைத் திறம்பட அமைத்த கையோடு, தனக்கான பிரத்யேக ஆலோசகர் குழுவை (Advisory Team) முதல்வர் விஜய் மிகத் தீவிரமாக வலுப்படுத்தத் தொடங்கியுள்ளார்.
நிர்வாகப் பணிகளைத் தொய்வில்லாமல் கொண்டு செல்ல விஷ்ணு ரெட்டி போன்ற திறமையான ஒருங்கிணைப்பாளர்களையும், அரசியல் களத்தைக் கையாள ஜான் ஆரோக்கியசாமி போன்ற அனுபவம் வாய்ந்த வியூக வகுப்பாளர்களையும் ஒரே நேரத்தில் நியமித்திருப்பது, அவர் ஒரு தீர்க்கதரிசனமான மற்றும் முறையான ஆட்சியைத் தர விரும்புவதைக் காட்டுகிறது என அரசியல் விமர்சகர்கள் கருதுகின்றனர். இந்த புதிய ஆலோசகர்களின் வழிகாட்டுதலின் கீழ், தமிழக அரசின் திட்டங்கள் மற்றும் தவெக-வின் அரசியல் செயல்பாடுகள் அடுத்த கட்டத்திற்கு நகரும் என்று எதிர்பார்க்கப்படுகிறது.
Click it and Unblock the Notifications
Sign in with Google