பட்டை உரியும் கட்டை வேகும்! கருணாநிதி பிறந்தநாளில் பிரம்மாண்டம்.. மாஸ் காட்டிய கோவை உடன்பிறப்புகள்!
கோவை : திமுக முன்னாள் தலைவரும் மறைந்த தமிழக முதல்வருமான கலைஞர் கருணாநிதியில் பிறந்தநாளை முன்னிட்டு , அவர் சாதிய அடக்குமுறை பற்றி பேசிய வசனங்களை 30 அடி போஸ்டராக ஒட்டி கோவை திமுகவினர் கொண்டாடினர்.
மறைந்த முன்னாள் முதலமைச்சரும், திமுகவின் முன்னாள் தலைவருமான கலைஞர் என அனைவராலும் அன்போடு அழைக்கப்படும் மு.கருணாநிதியின் 99வது பிறந்த நாள் இன்று அரசு விழாவாக கொண்டாடப்படுகிறது.
மேலும் அவரது பிறந்த நாளை தமிழகத்தின் பல்வேறு பகுதிகளிலும் திமுகவினர் உற்சாகமாக கொண்டாடி வருகின்றனர். மேலும் கட்சியின் சார்பில் ஏழை, எளிய மக்களுக்கு நலத்திட்ட உதவிகள் வழங்கி வருகின்றனர்.
கருணாநிதி பிறந்ததாள்
இதையொட்டி தமிழகம் முழுவதும் பல்வேறு இடங்களில் அவரது சிலைக்கு மாலை அணிவித்து மரியாதை செலுத்தும் நிகழ்ச்சிகள் நடைபெற்றது. அலங்கரித்து வைக்கப்பட்டிருந்த கருணாநிதியின் உருவப்படத்துக்கு திமுகவினர் மாலை அணிவித்து மலர் தூவி மரியாதை செலுத்தினர். இந்நிலையில் திமுக தலைவரும் தமிழக முதல்வருமான மு.க.ஸ்டாலின் இன்று காலை 8 மணிக்கு சென்னை அண்ணா அறிவாலயத்தில் உள்ள கருணாநிதியின் சிலைக்கு மாலை அணிவித்து மலர் தூவி வணங்கினார்.
தொண்டர்கள் உற்சாகம்
இதேபோல் இந்நிலையில், திமுக எம்எல்ஏவும், கலைஞரின் பேரனுமான உதயநிதி ஸ்டாலின், சென்னை கஸ்தூரிபாய் காந்தி மகப்பேறு மருத்துவமனையில் இன்று பிறந்த பச்சிளம் குழந்தைகளுக்கு தங்க மோதிரம் அணிவித்து வாழ்த்தினார். இதேபோல் தமிழகம் முழுவதும் அமைச்சர், நிர்வாகிகள், பல்வேறு உதவிகள் வழங்கி கருணாநிதியின் பிறந்தநாளை கொண்டாடி வருகின்றனர்.
கோவை திமுக
இந்நிலையில் கருணாநிதியின் பிறந்தநாள் கொண்டாட்டங்களில் ஒரு பகுதியாக கோவை மாநகர் தெற்கு மாவட்ட இளைஞரணி சார்பில் ரயில் நிலையம் காந்திபுரம் உக்கடம் போன்ற பகுதிகளில் கலைஞர் சாதிய அடக்குமுறை பற்றி பேசிய வசனமான "கட்டை விரலோ, தலையோ காணிக்கையாக இந்நாளில் எவனும் கேட்டால் பட்டை உரியும் சுடுகாட்டில் அவன் கட்டை வேகும்" என்ற வரிகளை போஸ்டராக ஒட்டியுள்ளனர்.
பிரம்மாண்ட போஸ்டர்
ரயில் நிலையம், உக்கடம், போன்ற பகுதிகளில் இந்த போஸ்டரை சுமார் 30 அடி நீளத்திற்கு ஒட்டியுள்ளனர்.
பெரிய கடை வீதி பகுதி கோவை மாநகர் கிழக்கு மாவட்ட இளைஞர் அணி துணை நிர்வாகியும், வர்த்தக அணி துணை நிர்வாகி ஒருவரும் இந்த போஸ்டரை ஒட்டியுள்ளனர்.இந்த 30 அடி நீள போஸ்டரை பொதுமக்கள் வியப்புடன் பார்த்து செல்கின்றனர். மேலும் இந்த போஸ்டர்கள் சமூக வலைதளங்களில் வேகமாக பரவி வருகிறது.
Click it and Unblock the Notifications
Sign in with Google