இரவு 7 மணிக்கு.. வெடித்து சிதறிய ஹூண்டாய் i20 கார்! டெல்லியில் நடந்தது என்ன? அமித்ஷா விளக்கம்

Updated: Tuesday, November 11, 2025, 8:16 [IST]

Subscribe to Oneindia Tamil

டெல்லி: டெல்லி செங்கோட்டை அருகே குண்டுவெடிப்பு நடந்த சம்பவம் அதிர்ச்சியை ஏற்படுத்தியிருக்கிறது. இந்நிலையில் இந்த சம்பவம் தொடர்பாக மத்திய உள்துறை அமைச்சர் அமித்ஷா செய்தியாளர்களை சந்தித்து விளக்கமளித்துள்ளார்.

அவர் பேசியதாவது, "இன்று மாலை 7 மணியளவில் சுபாஷ் மார்க் சந்திப்பு சிக்னலில் ஹூண்டாய் i20 காரில் வெடிப்பு நடந்துள்ளது. சம்பவம் நடந்த 10 நிமிடத்தில் டெல்லி போலீசார் அங்கு வந்துள்ளனர். NSG, NIA ஆகியவை விசாரணையை தொடங்கியுள்ளன.

சிசிடிவி காட்சிகளை சேகரித்து விசாரிக்கவும் உத்தரவிடப்பட்டுள்ளது. எல்லா கோணங்களிலும் விசாரணை நடக்கிறது. சம்பவ இடத்திற்கு நான் செல்ல இருக்கிறேன். மருத்துவமனைக்கும் சென்று காயமடைந்தோரை சந்திக்க இருக்கிறேன்" என்று கூறியிருக்கிறார்.