15 மணி நேர பிரசவ வலி.. ஜான் புள்ளையா இருந்தாலும் ஆண் புள்ளையை ஈன்ற வெள்ளை திமிங்கலம்- வீடியோ

Published: Friday, August 28, 2020, 15:29 [IST]

Subscribe to Oneindia Tamil

டெல்லி: வெள்ளைத் திமிங்கலம் ஒன்று 15 மணி நேர பிரசவ வலிக்கு பிறகு ஆண் குட்டியை ஈன்ற காட்சிகள் அடங்கிய வீடியோ சமூகவலைதளங்களில் வைரலாகி வருகிறது.

கருவில் இருக்கும் குழந்தை எப்படி வெளியுலகிற்கு வருகிறது என்பது அனைவருக்கும் தெரியும். அதிலும் இது போன்ற பிரசவங்களை நேருக்கு நேர் பார்த்தவர்கள் கூட இருக்கக் கூடும். அது போல் நாய், மாடு, ஆடு உள்ளிட்டவை குட்டி ஈணுவதை கிராமத்தில் பார்த்திருப்போரும் உண்டு.

ஆனால் கடல்வாழ் உயிரினங்கள் குட்டி ஈணுவதை பார்ப்பது மிகவும் அரிது. கடல்வாழ் உயிரினங்களை வளர்க்கும் ஏதாவது ஒரு நிறுவனம் அந்த காட்சிகளை படம் பிடித்து காட்டினால்தான் உண்டு.

வைரல்

அது போன்ற ஒரு அரிய காட்சிகள் தற்போது வைரலாகி வருகின்றன. ஷெட் எனப்படும் கடல்வாழ் உயிரினங்கள் இருக்கும் பகுதியில் பெல்லா என பெயரிடப்பட்ட வெள்ளைத் திமிங்கலம் ஒன்று குட்டி போடும் நிலையில் இருந்தது. கடந்த 21-ஆம் தேதி அதிகாலை முதல் பிரசவ வலியால் துடித்தது.

வெள்ளைத் திமிங்கலங்கள்

சுமார் 15 மணி நேர போராட்டத்திற்கு பிறகு இரவு 8.42 மணிக்கு ஒரு துருதுருவென இருக்கும் ஆண் குட்டியை ஈன்றது. இது கவனிக்கப்படத்தக்க ஒரு விஷயமாகும். அதாவது எப்போதும் வெள்ளைத் திமிங்கலங்கள் குட்டி போட்டால் முதலில் குட்டியின் வால் பகுதிதான் முதலில் வரும்.

தாயும் சேயும் நலம்

ஆனால் இந்த திமிங்கலம் குட்டி ஈன்ற போது முதலில் தலை பகுதி வெளியே வந்தது. அதனால் இது மிகவும் அரிய பிரசவமாகும். இறுதியில் குட்டி செமையாக நீந்தி மேலெழும்பியது. தாயும் மேலே சென்று அதன் குட்டியை வருடியது. தாயும் சேயும் நலமாக உள்ளார்கள். பிறந்தவுடன் ஆண் குட்டி துள்ளிக் குதித்து விளையாடியதை கண்ட ஊழியர்கள் ஆரவாரம் செய்தனர்.

ஆண்கள்

வெள்ளை திமிங்கலம் எனப்படும் பெலுகா திமிங்கலங்கள் வடதுருவப் பகுதியின் கடலில் வாழக் கூடியவை. கடற்பாலூட்டி குடும்பத்தில் இந்த இனம் மட்டுமே வெள்ளை நிறத் தோற்றம் கொண்டதாகும். இந்த திமிங்கலங்கள் 5 மீட்டர் நீளம் வரை வளரும். பெண் வகையை விட ஆண்கள் மீக நீளமாக வளரும்.

BIG NEWS: Bella has given birth to an energetic male calf!
The calf was born on 8/21 at 8:42 p.m. after 15 hours of labor. This was a noteworthy birth, with the calf born headfirst instead of the usual fluke-first birth.

More on the blog: https://t.co/pHDTAQ9kVb pic.twitter.com/S0iGl0IhiH
— Shedd Aquarium (@shedd_aquarium) August 24, 2020

பெண் திமிங்கலங்கள்

ஆண் திமிங்கலங்கள் 1,360 கிலோ எடையும் பெண் திமிங்கலங்கள் 900 கிலோ எடையும் கொண்டிருக்கும். பொதுவாக, பிறக்கும்போது 1.5 மீட்டர் நீளமும் 80 கிலோ எடையும் கொண்டு சாம்பல் நிறத்தில் இருக்கும். இந்த அரிய திமிங்கலங்கள் வடதுருவ கடல் பகுதியில் பாதுகாக்கப்பட்டு வருகின்றன.

Published On August 28, 2020