ஜிங்குசா.. ஜிங்குசா.. மோடி புடவை ஜிங்குசா..முந்தானையில் மோடி உருவம் .. கலக்கும் சூரத் சேலை!

பிரதமரின் உருவம் பதித்த சேலை குஜராத்தில் அறிமுகம் செய்யப்பட்டுள்ளது.

Updated: Thursday, February 14, 2019, 10:44 [IST]

Subscribe to Oneindia Tamil

Recommended Video

பிரதமர் மோடியின் உருவம் பதித்த சேலைகள்-வீடியோ

காந்திநகர்: வந்துவிட்டது எலக்‌ஷன் களை... பிரதமர் மோடியின் உருவம் பதித்த சேலைகள் இப்போது விற்பனையில் சக்கை போடு போடுகிறதாம்.

பொதுவாக ரசிகர்கள் தங்களுக்கு பிடித்தமான நடிகர்கள், விளையாட்டு வீரர்கள் உருவம் பதித்த ஆடைகளை அணிந்து கொள்வார்கள்.

சில நேரங்களில் விருப்பமான தலைவர்கள் அதாவது சேகுவேரா, நெல்சன்மண்டேலா போன்ற உலக தலைவர்களின் உருவம் பதித்த ஆடைகளையும் அணிவார்கள். ஏனென்றால், இவர்கள் மீதான கிரேஸ் இன்னும் குறையாமல் இருப்பதுதான்.

பாலும் பழமும்

சில சமயங்களில் அந்த நேரத்துக்கு யார் பிரபலமோ, என்ன பிரபலமோ அதை வைத்தும் ஆடைகள் தயாராகும். குறிப்பாக அன்று பாலும் பழமும் சினிமா வந்தபோது, பாலும் பழமும் புடவை என்றே ஒரு சேலை பிரபலமானது... கடைசியில் நதியா, ஜோதிகா, அஜித், விஜய் என்று பட்டியல் நீண்டு வருகிறது.

பிரியங்கா டி-ஷர்ட்

இப்போது எலக்‌ஷன் சீசன் தொடங்கிவிட்டதால் அரசியல் பிரபலங்களின் உருவம் பதித்த ஆடைகள் வெளிவர ஆரம்பித்துள்ளன. சில தினங்களுக்கு முன்பு பிரியங்காகாந்தி உ.பி, சென்றபோது, தொண்டர்கள் அவரது உருவம் பதித்த டி-ஷர்ட் போட்டு கொண்டு பாதுகாப்பு உள்ளிட்டவைகளில் தீவிரமாக ஈடுபட்டார்கள். இதை பார்த்ததும் இப்போது பாஜகவுக்கு ஆசை வந்துவிட்டது.

உருவம் பதித்த சேலை

அதிலும் போட்டியாக வந்துள்ளது மோடிஜிதான். ஏற்கனவே அவரது உருவம் பதித்த டி-ஷர்ட்கள் இருந்தாலும், இப்போது புடவை பக்கம் கவனம் திரும்பி உள்ளது. குஜராத் மாநிலம் கோத்ராவில் பிரதமர் மோடியின் உருவம் பதித்த சேலை விற்பனைக்கு வந்திருக்கிறது.

செம கிராக்கி

பல வண்ணங்களில் சேலை ஒரு பக்கம் இருந்தாலும், அதற்குள் மோடியின் உருவம் தினுசு தினுசாக உள்ளது. ஒரு பெண்ணின் முந்தானையில்கூட மோடியின் பிரின்ட் இருக்கிறது. இதற்கு பெண்கள் மத்தியில் ஏகப்பட்ட கிராக்கி. மோடியின் சொந்த மாநிலம் ஒரு பக்கம், ஜவுளிக்கு பேர் போன சூரத் மற்றொரு பக்கம்.. இவை இரண்டும் சேர்ந்து பிரதமருக்கு இருக்கும் கிரேஸை கூட்டி வருகின்றன.

ஆர்டர்கள்

ஸ்பெஷலாக மோடி உருவப்படத்துடன் கூடிய இந்த புதுரக சேலைதான் இப்போது குஜராத்தில் சக்கை போடு போட்டு வருகிறது. இந்த வரவேற்பை பார்த்ததும், தேர்தல் நேரத்தில் மக்களுக்கு விநியோகிக்க பாஜக தரப்பில் நிறைய ஆர்டர்கள் தரப்பட்டு வருகின்றனவாம்.