2027 ஜனவரி 1 முதல் தற்போது நடைமுறையில் உள்ள காசோலை புத்தகங்கள் செல்லாதா? ரிசர்வ் வங்கி விளக்கம்

டெல்லி: 2027 ஜனவரி 1 முதல் பழைய காசோலை புத்தகங்கள் செல்லாது என்ற தகவல் முற்றிலும் தவறானது என்று இந்திய ரிசர்வ் வங்கி தெளிவுபடுத்தி இருக்கிறது.

2026 டிசம்பர் 31-க்குப் பிறகு தற்போது நடைமுறையில் உள்ள காசோலை புத்தகங்கள் செல்லாது என்றும், 2027 ஜனவரி 1 முதல் புதிய பாதுகாப்பு அம்சங்களைக் கொண்ட காசோலை புத்தகங்கள் அறிமுகப்படுத்தப்படும் என்றும் சமூக வலைதளங்களில் தகவல்கள் பரவி வருகின்றன.

இந்தத் தகவலை திட்டவட்டமாக மறுத்துள்ள இந்திய ரிசர்வ் வங்கி, தற்போது பயன்பாட்டில் உள்ள Cheque Truncation System (CTS) காசோலை புத்தகங்களில் எந்த மாற்றமும் செய்யப்படவில்லை என்று விளக்கம் அளித்துள்ளது.

இதுதொடர்பாக ரிசர்வ் வங்கி வெளியிட்டுள்ள விளக்கத்தில், 2027 ஜனவரி 1 முதல் புதிய பாதுகாப்பு அம்சங்களுடன் கூடிய காசோலை புத்தகங்களை அறிமுகப்படுத்தும் திட்டம் எதுவும் தற்போது இல்லை என்று குறிப்பிட்டிருக்கிறது.

எனவே, பழைய காசோலை புத்தகங்கள் 2026 டிசம்பர் 31-க்குப் பிறகு செல்லாது என்ற தகவல் உண்மைக்குப் புறம்பானது என்றும், பொதுமக்களைத் தவறாக வழிநடத்தக்கூடியது என்றும் ரிசர்வ் வங்கி விளக்கம் தந்துள்ளது.

மேலும், வங்கிச் சேவைகள் மற்றும் காசோலை தொடர்பான விதிமுறைகள் குறித்து சமூக வலைதளங்களில் பரவும் உறுதிப்படுத்தப்படாத தகவல்களை நம்ப வேண்டாம் என்றும், ரிசர்வ் வங்கியின் அதிகாரப்பூர்வ அறிவிப்புகளை மட்டுமே பொதுமக்கள் பின்பற்ற வேண்டும் என்றும் அறிவுறுத்தி இருக்கிறது.

It has come to the notice of the Reserve Bank of India that a message is circulating on social media claiming that the standard Cheque Truncation System (CTS) cheque books currently in use will change from December 31, 2026 and the new cheque books featuring updated security standards will come into effect from January 1, 2027. It is clarified that at present Reserve Bank of India is not introducing any such measures with regard to the CTS cheque books. As such, the message is factually incorrect and misleading. Members of public are requested to rely only on the information published by RBI from time to time in such matters.

— ReserveBankOfIndia (@RBI) November 7, 2026

பொதுவாக சமூக வலைதளங்களில் கார்டு வடிவில் வருவதை மக்கள் பலர் உண்மை என்றே நம்புகிறார்கள். ஆனால் இன்றை தொழில்நுட்பத்தில் அச்சு மாறாமல் கூட போலியான கார்டுகளை உருவாக்க முடியும். அப்படித்தான்இந்த வதந்தியும் உருவாக்கப்பட்டு பரப்பப்பட்டிருக்கிறது. காசோலைகளில் பயன்படுத்தப்படும் Cheque Truncation System (CTS) என்ற தொழில்நுட்பம் பலருக்கும் தெரியாத மற்றும் புரியதா ஒன்று. எனவே மக்களிடம் புதிய பாதுகாப்பு விதிமுறைகள் என்று கூறி நம்ப வைத்து ஏமாற்றி உள்ளார்கள்.

அதேபோல டிசம்பர் 31, 2026-க்குப் பிறகு பழைய காசோலைகள் செல்லாது என்றும், ஜனவரி 1, 2027 முதல் புதிய காசோலைகள் கட்டாயம் என்றும் ரிசர்வ் வங்கி கூறுவது போல் போலி பதிவுகள் அதிக அளவில் பரவியதால், மக்களும் நம்பகமான அறிவிப்பு என்றே நம்பி விட்டனர். இதனால் காசோலை பயன்படுத்தும் வாடிக்கையாளர்கள் அச்சப்பட்டு அவர்களும் பகிர தொடங்கி உள்ளனர். இதுவே இந்த வதந்தி வேகமாக பரவ காரணமாக இருந்தது. தற்போது ரிசர்வ் வங்கி, காசோலை தொர்பாக பரவுவது வதந்தி என்று கூறி, பிரச்சனைக்கு முற்றுப்புள்ளி வைத்துள்ளது.

English summary

The Reserve Bank of India has clarified that the information circulating—which claims that currently valid chequebooks will become void after December 31, 2026, and that new chequebooks with enhanced security features will be introduced from January 1, 2027—is merely a rumor.