“வலிமை” டிக்கெட் 1000 ரூபாயா..? தியேட்டர் வாசலில் அஜித் ரசிகர்கள் போராட்டம்..மேலாளரை தாக்க முயற்சி.!

Updated: Monday, February 21, 2022, 20:10 [IST]

Subscribe to Oneindia Tamil

திண்டுக்கல் : நடிகர் அஜித் நடிப்பில் வெளியாக உள்ள "வலிமை" திரைப்படத்திற்கான ரசிகர் ஷோவிற்கான டிக்கெட்டுகளுக்கு திண்டுக்கல் ராஜேந்திரா திரையரங்க நிர்வாகம் அதிக தொகை கேட்பதாக கூறி ரசிகர்கள் போராட்டத்தில் ஈடுபட்ட நிலையில், தியேட்டர் மேலாளரை தாக்க முயன்றதாகவும், இதனால் காவல்துறையினருக்கும் ரசிகர்களுக்கும் தள்ளுமுள்ளு ஏற்பட்டது.

அஜித்தின் வலிமை

தொடர்ந்து ரசிகர்களின் கோரிக்கையை அடுத்து வலிமை படத்தின் டைட்டில், மோஷன் போஸ்டர், டீசர், சிங்கிள், ட்ரைலர் என அடுத்தடுத்து அப்டேட்களை வெளியிட தயாரிப்பு நிறுவனம் ரசிகர்களை இன்ப அதிர்ச்சியில் ஆழ்த்தியது. சமூகப் பிரச்சினைகளைப் பேசும் குடும்ப பொழுதுபோக்கு திரைப்படம் என இயக்குனர் வினோத் கூறியிருந்த நிலையில் படத்தின் டிரைலர் மற்றும் பாடல்கள் வேற லெவல் ஹிட்டானது.

ரசிகர்கள் ஆர்வம்

பிரம்மாண்ட சண்டைக்காட்சிகள் அட்டகாசமான பாடல்கள் வேற லெவல் பைக் ஸ்டண்ட் காட்சிகள் என அஜித் ரசிகர்களுக்கு விருந்து படைக்க இருப்பதாக வினோத் கூறியிருந்த நிலையில் பிப்ரவரி 24ஆம் தேதி இப்படம் வெளியாக உள்ளது. படத்தின் சவுண்ட் மிக்ஸிங் மிகச் சிறப்பாக இருப்பதாக சவுண்ட் என்ஜினியர் கூறியிருந்த நிலையில் தியேட்டர்கள் வலிமையை கொண்டாட காத்திருக்கின்றன. வழக்கம் போல் அஜித் வந்து நின்றாலே போதும் எனக்கூறும் ரசிகர்கள் அவரை தரிசிக்க 24ஆம் தேதி எப்போது வரும் எனவும் ஆர்வத்துடன் எதிர்நோக்கி உள்ளனர்.

அதிக கட்டணம் என புகார்

வழக்கமான காட்சிகள் இல்லாமல் படம் வெளியாகும் நாள் அன்று காலை 4 மணிக்கு சிறப்பு காட்சிகள் வெளியாக உள்ளது. இதற்காக தமிழகம் முழுவதும் டிக்கெட் புக்கிங் நடைபெற்று வருகிறது. வழக்கமாக ரசிகர் மன்றங்கள் மூலம் டிக்கெட் விற்பனை நடைபெறும் நிலையில் நடிகர் அஜித்குமார் ரசிகர் மன்றங்களை கலைத்து உள்ளதால் தனித்தனியே ரசிகர்கள் டிக்கெட் வாங்கி வருகின்றனர். இந்த நிலையில் வலிமை படத்திற்கு விற்கும் டிக்கெட்டுகள் அதிகப்படியாக வருவதாக கூறி அஜித் ரசிகர்கள் திடீர் போராட்டத்தில் ஈடுபட்ட நிலையில் தியேட்டர் மேனேஜரை தாக்க முயன்றதாக புகார் எழுந்துள்ளது.

பெரும் பரபரப்பு

திண்டுக்கல்லின் பிரபலமான தியேட்டரான ராஜேந்திர திரையரங்கில் வலிமை வெளியாகவுள்ளது. அதற்காக டிக்கெட் விற்பனையும் தொடங்கியுள்ளது. இந்நிலையில் வலிமை திரைப்படத்திற்கான ரசிகர் ஷோ டிக்கெட் வினியோகத்தின் போது திரையரங்க நிர்வாகம் டிக்கெட்டுக்கு ஆயிரம் ரூபாய் முதல் ஆயிரத்து 500 வரை அதிக தொகை கேட்பதால் அஜித் ரசிகர்கள் திரையரங்கு முன்பாக தர்ணா போராட்டம். தொடர்ந்து ராஜேந்திரா திரையரங்கு கதவினை ரசிகர்கள் பூட்டு போட்டு பூட்டினர். அப்போது ஏற்பட்ட வாக்குவாதத்தில் திண்டுக்கல் ராஜேந்திரா திரையரங்கு மேலாளர் மாயாண்டியை அஜித் ரசிகர்கள் தாக்க முயற்சித்ததாகவும், அஜித் ரசிகர்கள் மற்றும் காவல் துறையினர் இடையே பெரும் தள்ளுமுள்ளு ஏற்பட்டதால் அங்கு பதட்டமான சூழ்நிலை நிலவி வருகிறது.