அச்சச்சோ இன்றைக்கு இவர்தான் அம்பயரா? போச்சு.. இந்திய அணிக்கு ராசியே கிடையாதே - பின்னணி!
துபாய்: இந்திய அணி இன்று நியூசிலாந்துக்கு எதிராக ஆடும் போட்டியில் கள நடுவர்களின் ஒருவராக ரிச்சர்ட் கெட்டில்பார்க் பணியாற்ற இருக்கிறார்.
2021 டி 20 உலகக் கோப்பை தொடரின் மிக முக்கியமான ஆட்டம் இன்று நடக்க உள்ளது. இந்தியா நியூசிலாந்து அணிகளுக்கு இடையில் மேட்ச் நடக்க உள்ளது.
இரண்டு அணிகளும் இதற்கு முன் பாகிஸ்தானோடு நடந்த போட்டியில் தோல்வி அடைந்துவிட்டது. இதனால் இந்த போட்டி இரண்டு அணிகளுக்கும் கிட்டத்தட்ட ஒரு நாக் டவுட் போட்டி போல இருக்கும்.
நடுவர்
இந்திய அணி இன்று நியூசிலாந்துக்கு எதிராக ஆடும் போட்டியில் நடுவர்களின் ஒருவராக ரிச்சர்ட் கெட்டில்பார்க் பணியாற்ற இருக்கிறார். இவர் முன்னாள் இங்கிலாந்து வீரர் ஆவார். நடுவராக பல வருடமாக பணியாற்றி வரும் இவர் அனுபவம் பெற்ற முக்கியமான ஐசிசி நடுவர்களில் ஒருவர்.
ரிச்சர்ட் கெட்டில்பார்க்
ரிச்சர்ட் கெட்டில்பார்க்தான் இந்திய அணி 2019ல் 50 ஓவர் உலகக் கோப்பை போட்டியில் செமி பைனலில் நியூஸிலாந்திடம் தோல்வி அடைந்த போது நடுவராக இருந்தவர். இவர்தான் தோனி ரன் அவுட் ஆன போது ஷாக்கிங் ரியாக்சன் கொடுத்தது. அந்த ரியாக்சனை கிரிக்கெட் ரசிகர்கள் மறந்திருக்க மாட்டார்கள்.
ராசி இல்லை
இவர் இந்திய அணிக்கு கொஞ்சம் ராசி இல்லாத நடுவராக பார்க்கப்படுகிறது. முக்கியமான போட்டிகளில் இவர் நடுவராக இருக்கும் போதெல்லாம் இந்தியா தோல்வி அடைந்துள்ளது. ஆம் 2014ல் டி 20 உலகக் கோப்பை பைனலில் இந்தியா இலங்கையிடம் தோல்வி அடைந்தது. அப்போது ரிச்சர்ட் கெட்டில்பார்க்தான் நடுவர்.
செமி பைனல்
அதேபோல் 2015ல் உலகக் கோப்பை செமி பைனலில் இந்தியா ஆஸ்திரலியாவிடம் தோல்வி அடைந்தது. 2016ல் டி 20 உலகக் கோப்பை செமி பைனலில் மேற்கு இந்திய தீவுகளிடம் இந்தியா தோல்வி அடைந்தது இந்த போட்டிகளின் போதும் ரிச்சர்ட் கெட்டில்பார்க்தான் கள நடுவராக இருந்தார். இப்படி இந்தியா முக்கியமான போட்டிகளில் இந்தியா தோல்வி அடைந்த போதெல்லாம் இவர்தான் நடுவர்.
|
நாக் அவுட்
இந்த நிலையில் இன்று நடக்கும் போது இந்திய அணிக்கு கிட்டத்தட்ட நாக் அவுட் போட்டி போன்றது. அதிலும் இந்தியா நியூசிலாந்தை எதிர்கொள்கிறது. இதனால் ரிச்சர்ட் கெட்டில்பார்க் இன்று நடுவராக இருப்பது இந்திய அணிக்கு கெட்ட சகுனமாக பார்க்கப்படுவதாக நெட்டிசன்கள் பலர் கமெண்ட் செய்து வருகிறார்கள். இவர் வந்தாலே முக்கிய போட்டிகளில் நாம் தோல்வி அடைந்து விடுவோமே என்று அச்சம் தெரிவித்துள்ளனர்.
Click it and Unblock the Notifications
Sign in with Google