மொத்த இந்தியாவும் உன் பின்னாடி இருக்கு ஆடு.. நியூசி. மேட்சில் ஸ்காட்லாந்து வீரர் அப்படி சொன்னது ஏன்?

Updated: Wednesday, November 3, 2021, 20:13 [IST]

Subscribe to Oneindia Tamil

துபாய்: நியூசிலாந்து அணிக்கு எதிராக நடக்கும் டி 20 உலகக் கோப்பை ஆட்டத்தில் ஸ்காட்லாந்து வீரர் இன்று பேசிய விஷயம் ஒன்று இணையத்தில் வைரலாகி வருகிறது.

2021 டி 20 உலகக் கோப்பை போட்டி தற்போது முக்கியமான கட்டத்தை எட்டியுள்ளது. இன்று ஆப்கானிஸ்தான் இந்திய அணிகளுக்கு இடையில் டி 20 மேட்ச் நடக்க உள்ளது. இதில் இந்தியா கட்டாயம் வெல்ல வேண்டும்.

ஏற்கனவே பாகிஸ்தான், நியூசிலாந்து அணிகளுக்கு எதிராக இந்தியா தோல்வி அடைந்துள்ளது. இந்தியாவின் செமி பைனல் வாய்ப்பிற்கு இதனால் சிக்கல் ஏற்பட்டுள்ளது.

இந்தியா

இந்தியா மேட்ச் தற்போது இன்னொரு பக்கம் நியூசிலாந்து - ஸ்காட்லாந்து அணிகளுக்கு இடையிலான ஆட்டம் தற்போது நடைபெற்று வருகிறது. இதில் ஸ்காட்லாந்து அணி டாஸ் வென்றது. டாஸ் வென்ற ஸ்காட்லாந்து பவுலிங் தேர்வு செய்தது. முதலில் களமிறங்கிய நியூசிலாந்து அணியில் குப்தில் மட்டும் நன்றாக ஆடி வருகிறார். கேன் வில்லியம்சன் டக், கான்வாய் , மிட்சல் 13 என்று சொற்ப ரன்களில் அவுட்டாகி உள்ளனர்.

இந்தியா

இந்த நிலையில் இந்த போட்டியில் ஸ்காட்லாந்து பவுலர் கிறிஸ் கிரேவ்ஸ் பவுலிங் செய்யும் ஸ்காட்லாந்து கீப்பர் மேட் கிராஸ் மிகவும் உற்சாகமாக இருந்தார். நல்லா போடு.. நல்லா போடு என்று உற்சாகப்படுத்தினார். அதோடு நிற்காமல்.. மொத்த இந்தியாவும் உன் பின்னாடிதான் இருக்கு. உனக்குதான் சப்போர்ட் பவுலிங் செய் என்றும் கூறி உற்சாகப்படுத்தினார்.

உற்சாகம்

ஸ்காட்லாந்து கீப்பர் கிறிஸ் இப்படி கூறியது இணையம் முழுக்க வைரலாகி உள்ளது. இவர் இப்படி சொல்ல காரணம் இருக்கிறது. இந்திய அணி ஏற்கனவே இரண்டு போட்டிகளில் தோல்வி அடைந்துவிட்டது. ஆனால் நியூசிலாந்து ஒன்றில் மட்டுமே தோல்வி அடைந்துள்ளது. இன்று நியூசிலாந்து ஸ்காட்லாந்து அணியிடம் தோல்வி அடைந்தால் அது இந்தியாவிற்கு சாதகம் ஆகும்.

சாதகம்

ஸ்காட்லாந்து வெற்றி பெற்றால் இந்திய அணிக்கு செமி பைனல் செல்லும் வாய்ப்பு கொஞ்சம் அதிகரிக்கும். இதனால் இந்தியர்கள் பலரும் ஸ்காட்லாந்து வெல்ல வேண்டும் என்று அந்த அணிக்கு ஆதரவு அளித்து வருகிறார்கள். இதனால்தான் இந்தியாவே உன் பின்னாடி இருக்கிறது. தைரியமாக ஆடு என்று ஸ்காட்லாந்து வீரர் கிறிஸ் சக வீரருக்கு இன்று மைதானத்தில் ஊக்கம் அளித்தார்.