தெலுங்கானாவில் இஸ்லாமியர்களுக்கு 12 சதவீத இட ஒதுக்கீடு: பாஜக எதிர்ப்பு

ஹைதராபாத்: தெலுங்கானா மாநிலத்தில் இஸ்லாமியர்களுக்கு 12 சதவீதம் இட ஒதுக்கீடு வழங்க அம்மாநில எதிர்க்கட்சியான பாஜக எதிர்ப்பு தெரிவித்துள்ளது.

ஆந்திராவில் இருந்து பிரித்து உருவாக்கப்பட்ட தெலுங்கானா மாநிலத்தின் சட்டசபைக்கு நடைபெற்ற தேர்தலின்போது தெலுங்கானா ராஷ்ட்டிர சமிதி கட்சியின் தேர்தல் அறிக்கையில், கல்வி, வேலைவாய்ப்பு ஆகியவற்றில் முஸ்லிம்களுக்கு 12 சதவீதம் இட ஒதுக்கீடு வழங்கப்படும் என்று வாக்குறுதி அளிக்கப்பட்டது.

தெலுங்கானாவில், தெலுங்கானா ராஷ்ட்டிர சமிதியின் நிறுவனத் தலைவர் சந்திரசேகர ராவ் தலைமையிலான ஆட்சி அமைந்துள்ளது. இதையடுத்து தேர்தல் அறிக்கையில் கூறிய 12 சதவீத இட ஒதுக்கீடு வாக்குறுதியை நிறைவேற்ற ஆலோசிக்கப்பட்டு வருகின்றது.

இந்நிலையில், பாஜக பொதுக்கூட்டத்தில் பேசிய அக்கட்சியின் தெலுங்கானா மாநிலத் தலைவர் கிஷன் ரெட்டி, மாநில அரசின் அரசின் இந்த திட்டத்துக்கு கடும் எதிர்ப்பு தெரிவித்துள்ளார்.

மதரீதி அடிப்படையில் ஒதுக்கீடு வழங்குவது என்பது பாஜகவின் கொள்கைக்கு எதிரானது. மதவாரியான ஒதுக்கீடுகளை நாங்கள் ஏற்றுக் கொள்ள மாட்டோம். மேலும், இந்த முடிவானது மக்களுக்கான நலத்திட்டம் சார்ந்த அரசின் நடவடிக்கையாக இல்லை. மாறாக, முஸ்லிமகளை மகிழ்விப்பதற்கு கொண்டு வரப்படும் திட்டமாகவே இதனைக் கருத வேண்டியுள்ளது. என்று அந்த பொதுக் கூட்டத்தில் பேசிய கிஷன் ரெட்டி கூறியுள்ளார்.

English summary

JP will oppose any move by the Telangana government to provide 12 percent reservation to Muslims as had been promised by the Telangana Rashtra Samithi (TRS), led by K Chandrasekhar Rao, in its election manifesto, BJP state unit chief G Kishan Reddy said on Tuesday.