குஜராத்தின் அடுத்த முதல்வராகிறார் ஆனந்திபென் பட்டேல்!

அகமதாபாத்: பாஜக மத்தியில் ஆட்சி அமைப்பது உறுதியாகிவிட்டது. இதையடுத்து மோடிக்கு பதில் குஜராத் முதல்வராக செயல்பட மூத்த அமைச்சர் ஆனந்திபென் பட்டேல் தேர்வு செய்யப்பட்டுள்ளார்.

நாடாளுமன்ற தேர்தலின்போது பதிவான வாக்குகள் இன்று காலை 8 மணி முதல் எண்ணப்பட்டு முடிவுகள் அறிவிக்கப்பட்டது. இதில் பாஜக தலைமையிலான தேசிய ஜனநாயக கூட்டணி அமோக வெற்றி பெற்றுள்ளது. பாஜக பிரதமர் வேட்பாளரான மோடி தான் போட்டியிட்ட வதோதரா மற்றும் வாரனாசியில் வெற்றி பெற்றுள்ளார்.

பாஜக வெற்றி பெற்றதையடுத்து வரும் 21ம் தேதி மோடி பிரதமராக பதவி ஏற்கிறார். இந்நிலையில் மோடி வகித்து வரும் குஜராத் முதல்வர் பதவி மூத்த அமைச்சரான ஆனந்திபென் பட்டேலுக்கு அளிக்கப்படுகிறது.

இதன் மூலம் குஜராத்தின் முதல் பெண் முதல்வர் என்ற பெறுமையை ஆனந்திபென் பட்டேல் பெறுகிறார்.

English summary

Senior minister Anandiben Patel is the next chief minister of Gujarat as Modi is going to shift his base to Delhi.