ரூ.8.5 கோடி பிஎம்டபுள்யூ காரை ரூ.1.6 கோடிக்கு ரெஜிஸ்டர் செய்த முகேஷ் அம்பானி
மும்பை: ரிலையன்ஸ் இன்டஸ்ட்ரீஸ் தலைவர் முகேஷ் அம்பானியின் குண்டு துளைக்காத பி.எம்.டபுள்யூ. காரை மோட்டார் வாகனத் துறையில் பதிவு செய்ய அவர் ரூ.1.6 கோடி செலவு செய்துள்ளார்.
ரிலையன்ஸ் இன்டஸ்ட்ரீஸ் தலைவர் முகேஷ் அம்பானிக்கு இமெயில் மூலம் கொலை மிரட்டல் வந்ததையடுத்து அவருக்கு 2013ம் ஆண்டில் இருந்து இசட் பிரிவு பாதுகாப்பு அளிக்கப்பட்டுள்ளது. தனக்கு பாதுகாப்பு அளிக்கும் இசட் பிரிவு கமாண்டோக்களுக்கு ஆகும் செலவை முகேஷ் அரசிடம் அளித்து வருகிறார்.
இந்நிலையில் அவர் ஜெர்மனியில் இருந்து குண்டு துளைக்காத பி.எம்.டபுள்யூ. காரை இறக்குமதி செய்துள்ளார். பாதுகாப்பு காரணங்களுக்காக காரில் சில மாற்றங்கள் செய்யப்பட்டுள்ளது. அத்தகைய பாதுகாப்பு மேம்படுத்தப்பட்ட வாகனங்களுக்கான இறக்குமதி வரி 300 சதவீதம். அதனால் அந்த காருக்கு அம்பானி கொடுத்துள்ள விலை ரூ. 8.5 கோடி ஆகும்.
இறக்குமதி செய்த காரை அவர் மும்பையில் பதிவு செய்ய ரூ.1.6 கோடி செலவு செய்துள்ளார். இது குறித்து மோட்டார் வாகன துறை அதிகாரி ஒருவர் கூறுகையில்,
முகேஷ் ரூ.1.9 கோடி மதிப்புள்ள பி.எம்.டபுள்யூ. 760ஐ காரை வாங்கியுள்ளார். ஆனால் அம்பானிக்கு இசட் பிரிவு பாதுகாப்பு வழங்கப்படுவதால் அந்த காரில் சில மாற்றங்கள் செய்யப்பட்டுள்ளது. பாதுகாப்பு மேம்படுத்தப்பட்ட கார்களின் இறக்குமதி வரி 300 சதவீதம் என்பதால் அந்த காரின் விலை ரூ.8.5 கோடி ஆகிவிட்டது. அதனால் காரை பதிவு செய்ய ரூ.1.6 கோடி ஆனது என்றார்.
Click it and Unblock the Notifications
Sign in with Google