சோனியாவை எதிர்த்து போட்டியிடுங்க... உமாபாரதியை தூண்டிவிடும் ராம்தேவ்

டெல்லி: லோக்சபா தேர்தலில் காங்கிரஸ் தலைவர் சோனியா காந்தியை எதிர்த்து மூத்த பாஜக தலைவர் உமாபாரதி போட்டியிட வேண்டும் என்று யோகா குரு பாபா ராம்தேவ் கருத்து தெரிவித்துள்ளார்.

டெல்லியில் செய்தியாளர்களிடம் நேற்று பாபா ராம்தேவ் கூறியதாவது:

உத்தரப்பிரதேசத்தின் ரேபரேலி தொகுதியில் சோனியாவை எதிர்த்து உமாபாரதி போட்டியிட வேண்டும். உமாபாரதிக்கு தற்போது ஜான்சி தொகுதி ஒதுக்கப்பட்டுள்ளது.

அவர் ஜான்சி தொகுதியை விட்டு ராணி லட்சுமிபாயாக சோனியாவை எதிர்த்து ரேபரேலியில் போட்டியிட வேண்டும். இது குறித்து அவரிடம் பேச முயன்றேன். ஆனால் அவர் ரயிலில் பயணம் மேற்கொண்டிருந்ததால் பேச முடியவில்லை.

சோனியாவை எதிர்த்து உமாபாரதி போட்டியிடுவதாக இருந்தால் நான் அங்கு சென்று பிரசாரம் செய்வேன்.. உமாபாரதியின் வெற்றியை உறுதி செய்வேன்.

இவ்வாறு பாபா ராம்தேவ் கூறினார்.

English summary

Baba Ramdev wants BJP leader Uma Bharti to contest against Congress party's national president Sonia Gandhi on Raibarelli seat. Ramdev yesterday in a press conference in Delhi said though Uma Bharti has been nominated by BJP for Jhansi seat, he wants her to leave Jhansi and become Ran Lakshmibai against Sonia Gandhi at Raibarelli.