பாஸ்வான் கட்சியுடன் கூட்டணியா? மோடி கூட்டத்தை புறக்கணித்த பீகார் பாஜக தலைவர்கள்!

முசாஃபர்பூர்: ராம்விலாஸ் பாஸ்வான் கட்சியுடன் கூட்டணி வைக்க எதிர்ப்பு தெரிவித்து பீகாரில் நடைபெற்ற நரேந்திர மோடியின் பொதுக்கூட்டத்தை பாஜகவின் மூத்த தலைவர்கள் பலரும் புறக்கணித்துள்ளனர்.

12 ஆண்டுகளுக்கு முன்பு பாஜக தலைமையிலான தேசிய ஜனநாயகக் கூட்டணியில் பாஸ்வானின் லோக் ஜனசக்தி இடம்பெற்றிருந்தது. குஜராத் கலவரத்தை முன்வைத்து தேசிய ஜனநாயகக் கூட்டணியை விட்டு வெளியேறியது அக்கட்சி. அதன் பின்னர் தொடர்ந்து காங்கிரஸ் கட்சியுடன் நட்புறவு கொண்டிருந்தது பாஸ்வான் கட்சி.

எதிர்வரும் லோக்சபா தேர்தலில் கூட்டணி குறித்து காங்கிரஸ் அலட்சியமாக இருப்பதாகக் கூறி வந்தார் பாஸ்வான். பின்னர் பாஜக தலைமையிலான தேசிய ஜனநாயகக் கூட்டணியில் அவர் அதிகாரப்பூர்வமாக இணைந்தார்.

இந்நிலையில் பீகாரின் முசாஃபர்பூரில் ராம்விலாஸ் பாஸ்வானுடன் இணைந்து மோடி பங்கேற்கும் பொதுக்கூட்டம் இன்று நடைபெற்றது. ஆனால் ராம்விலாஸ் பாஸ்வானின் கட்சியுடன் கூட்டணி அமைத்ததை விரும்பாத அம்மாநில பாஜக தலைவர்கள் பலரும் மோடி கூட்டத்தைப் புறக்கணித்துள்ளனர்.

இதனால் பீகார் மாநில பாரதிய ஜனதா கட்சியில் பிளவு ஏற்படும் நிலைமை உருவாகியுள்ளது.

English summary

Senior Bihar BJP leaders are said to be unhappy with the party's tie-up with Ram Vilas Paswan's LJP. Sources say the Bihar leaders skip BJP prime ministerial candidate Narendra Modi's 'Hunkar rally' in Bihar's Muzaffarpur district on Monday.