தொழில் வளர்ச்சி பட்டியலில் பீகார் 'டாப்' .. தமிழகம் கட்ட கடைசி: மத்திய புள்ளியியல் துறை
டெல்லி: மத்திய புள்ளியியல் துறையின் அறிக்கைப்படி 18 மாநிலங்களில் தொழில்வளர்ச்சிப் பட்டியலில் பீகார் முதலிடத்திலும் தமிழகம் கடைசி இடத்திலும் இருப்பதாக தெரிவிக்கப்பட்டுள்ளது.
கடந்த 2012-13ம் ஆண்டுக்கான சிறப்பு பிரிவு அல்லாத 18 மாநிலங்களில் தொழில் வளர்ச்சி குறித்த ஆய்வறிக்கையை மத்திய புள்ளியியல் துறை வெளியிட்டுள்ளது.
முதலிடத்த்ல் பீகார்
தொழில் வளர்ச்சியில் பீகார் மாநிலம் 10.73% வளர்ச்சியுடன் முதலிடத்தில் இருக்கிறது. 2010-11ம் ஆண்டில் பீகார் வளர்ச்சி 15.03%, 2011-12ல் 10.29% ஆக இருந்தது.
2வது இடத்தில் ம.பி. , 3வது இடத்தில் டெல்லி
மத்திய பிரதேச மாநிலம் 9.89% வளர்ச்சியுடன் 2வது இடத்திலும் டெல்லி 9.33% வளர்ச்சியுடன் 3வது இடத்திலும் இருக்கின்றன.
கேரளா, ஒடிஷா
கேரளா 8.24%, ஒடிஷா 8.09%த்துடன் 4 மற்றும் 5வது இடத்தில் இருக்கின்றன.
குஜராத் 6வது இடம்
குஜராத்துக்கு 7.97% வளர்ச்சியுடன் 6வது இடம் கிடைத்துள்ளது. 7வது இடத்தில் ஜார்க்கண்ட் (7.43%), 8வது இடத்தில் மேற்கு வங்கம் 6.72% உள்ளன.
கடைசி இடத்தில் தமிழகம்
தமிழகம் 3.39% வளர்ச்சியுடன் கடைசி இடத்தைப் பிடித்துள்ளது. அதாவது நாட்டின் ஒட்டுமொத்த சராசரி தொழில் வளர்ச்சி வீதமான 4.5% சதவீதத்தை விட தமிழகம் குறைவான வளர்ச்சியை அடைந்துள்ளது.