சூறைக்காற்றுடன் மழை.. பேய் காற்று புடைச்சூழ.. ஒடிஸா அருகே கரையை கடந்தது யாஸ் புயல்!

Updated: Wednesday, May 26, 2021, 14:02 [IST]

Subscribe to Oneindia Tamil

புவனேஸ்வரம்: வங்கக் கடலில் உருவான யாஸ் புயலானது ஒடிஸா மாநிலம் பாலசோருக்கு அருகே கரையை கடந்தது. அப்போது மணிக்கு 140- 150 கி.மீ. வேகத்தில் காற்று வீசியது.

வங்கக் கடலில் உருவான யாஸ் புயல் நேற்று மாலை அதி தீவிர புயலாக மாறியது. பின்னர் இந்த புயல் பாலசோருக்கு அருகே மையம் கொண்டிருந்தது. இந்த புயலால் ஒடிஸா, மேற்கு வங்கம், ஜார்க்கண்ட் மாநிலங்களில் பலத்த காற்றுடன் மழை பெய்யும் என வானிலை மையம் அறிவித்திருந்தது.

அதன்படி கடந்த இரு தினங்களாக மேற்கண்ட மாநிலங்களில் கனமழை பெய்து கொண்டிருந்தது. தாழ்வான இடங்களில் தண்ணீர் தேங்கியதை அடுத்து மக்கள் பாதுகாப்பான இடங்களுக்கு அனுப்பி வைக்கப்பட்டனர்.

#CycloneYaas is 'very likely' to move north-northwestwards to reach near north Odisha coast close to north of Dhamra & south of Balasore by noon today, as a 'very severe cyclonic storm' with wind speed of 130-140 kmph (issued at 0300 hrs): India Meteorological Department (IMD) pic.twitter.com/iiHZxuOz1I
— ANI (@ANI) May 25, 2021

விமான சேவைகள்

இந்த புயலால் நேற்று முதல் ஒடிஸாவுக்கான விமான சேவைகள் ரத்து செய்யப்பட்டன. கொல்கத்தா விமான நிலையம் இன்று காலை மூடப்பட்டது. மேற்கண்ட மாநிலங்களில் புயல் காற்று வீசியதால் மரங்கள் வேரோடு சாய்ந்தன. மின் கம்பங்கள் சாய்ந்தன.

கொந்தளிப்பு

மேலும் கடற்கரைகள் கொந்தளிப்புடன் காணப்பட்டன. மீனவர்கள் மீன் பிடிக்க செல்ல வேண்டாம் என அறிவுறுத்தப்பட்டனர். கொரோனா பாதிப்பால் உயிரிழப்புகள் ஏற்பட்டு வரும் நிலையில் புயலால் ஏற்படும் உயிரிழப்புகளை தடுக்க மாநில அரசுகள் மக்களை பாதுகாக்கும் நடவடிக்கைகளை எடுத்தன.

பாலசோருக்கு இடையே

இந்த நிலையில் இன்று காலை 10 மணி அளவில் யாஸ் புயல் பாலசோருக்கு அருகே கரையை கடந்தது. இந்த புயலின் முழு பகுதியும் கரையை கடக்க 3 முதல் 4 மணி நேரங்கள் ஆகும் என்ற நிலையில் இது அதி தீவிர புயலாகவே முழுவதுமாக பிற்பகலில் கரையை கடந்தது.

யாஸ் கரை

இதுகுறித்து வானிலை மையம் கூறுகையில் யாஸ் கரையை கடந்த போது மணிக்கு 140 கி மீ. முதல் 155 கி.மீ. வேகத்தில் சூறைக்காற்று வீசியது. யாஸ் புயல் வடக்கு- வடமேற்கில் நகர்ந்து 3 மணி நேரத்தில் தீவிர புயலாக வலு குறைந்துவிடும். அடுத்த 6 மணி நேரத்தில் யாஸ் புயல் மேலும் பலம் குறைந்துவிடும் என வானிலை மையம் தெரிவித்துள்ளது.