கார் வாங்கித் தராத கடுப்பில் தந்தை மீது ஆபாச வீடியோ புகார் கொடுத்த மகள்
பரேலி: உத்தர பிரதேசத்தில் கார் வாங்கிக் கொடுக்க மறுத்த தந்தை மீது பெண் ஒருவர் போலீசில் புகார் கொடுத்துள்ளார். அதுவும் தந்தை தன்னை ஆபாசாமாக வீடியோ எடுத்து மிரட்டவதாக.
உத்தர பிரதேச மாநிலம் பரேலியைச் சேர்ந்த அரசு ஊழியர் ஒருவர் தனது மகளுக்கு திருமணம் செய்ய மாப்பிள்ளை பார்த்து தேதியும் குறித்துள்ளார். திருமணத்தின்போது கார் தருவதாக அவர் மணமகனுக்கு வாக்களித்துள்ளார். இந்நிலையில் குடும்ப தகராறு காரணமாக திருமணம் நின்றுபோனது. இதையடுத்து மணமக்கள் வீட்டை விட்டு வெளியேறி அவர்களாகவே திருமணம் செய்து கொண்டனர்.
திருமணமாகி சில ஆண்டுகள் கழிந்துள்ள நிலையில் அப்பெண் தனது தந்தையிடம் வாக்குறுதி அளித்தது போன்று கார் வாங்கிக் கொடுக்குமாறு மிரட்டி வந்துள்ளார். ஆனால் அந்த பெண்ணின் தந்தை கார் வாங்கிக் கொடுக்க மறுத்துவிட்டார். இதையடுத்து அந்த பெண் போலீசில் தந்தை மீது புகார் கொடுத்தார்.
அந்த புகாரில் அவர் கூறியிருப்பதாவது,
என் தந்தை என்னை ஆபாசமாக வீடியோ எடுத்து வைத்துள்ளார். அந்த எம்.எம்.எஸ்ஸை இணையதளத்தில் அப்லோடு செய்துவிடுவேன் என்று மிரட்டி வருகிறார் என்று தெரிவித்துள்ளார்.
இது குறித்து போலீசார் விசாரணை நடத்தியபோது தான் அந்த பெண் தனது தந்தை கார் வாங்கிக் கொடுக்காத கோபத்தில் இவ்வாறு பொய்யான புகாரை அளித்தது தெரிய வந்தது.
Click it and Unblock the Notifications
Sign in with Google