கள்ளக்காதலுக்காக கார் டிரைவரை வெட்டி, ஆசிட்டில் எரித்து.. அப்பப்பா.. டாக்டர் செய்த வேலையை பாருங்க

போபால்: கள்ளக்காதலுக்கு இடையூறாக இருந்த தனது கார் டிரைவரை கண்டந்துண்டமாக வெட்டி கொலை செய்துள்ளார் பிரபல டாக்டர்.

மத்திய பிரதேச மாநிலம் ஹொசாங்கபாத் பகுதியில் நெஞ்சை பதற வைக்கும் இந்த சம்பவம் அரங்கேறியுள்ளது. 56 வயதாகும் சுனில் மந்த்ரி என்பவர் அப்பகுதியில் பிரபல மூட்டு வலி சிகிச்சை நிபுணராகும்.

வீட்டிலேயே அவரது மனைவி, துணி தைக்கும் கடையை நடத்தி வந்தார். அவர் திடீரென மரணமடைந்த நிலையில், அந்த கடையை நடத்தும் பொறுப்பை, தனது கார் டிரைவர் விரேந்திர பச்சோரி (30) என்பவரின் மனைவிக்கு வழங்கினார் சுனில் மந்த்ரி.

வீட்டில் உல்லாசம்

இதன்பிறகு தினமும் வீட்டுக்கு வரும் பச்சோரி மனைவியிடம் நெருங்கி பழகி, பணம் கொடுத்து தனது ஆசை வலையில் வீழ்த்தினார் டாக்டர் சுனில். இருவரும் வீட்டுக்குள்ளேயே உல்லாசமாக இருந்தனர். இந்த விஷயம் பச்சோரிக்கு தெரியாமல் இருவரும் பார்த்துக்கொண்டனர்.

கள்ளக்காதல் மோதல்

இதனிடையே, தனது மனைவிக்கும், டாக்டருக்கும் கள்ளத்தொடர்பு இருப்பதாக பச்சோரிக்கு சந்தேகம் ஏற்பட்டது. இதுதொடர்பாக கணவன் மனைவி நடுவே அடிக்கடி தகராறு ஏற்பட்டுள்ளது. இதுகுறித்து சுனில் கவனத்திற்கும் வந்துள்ளது.

பல்வலி சிகிச்சை

எனவே, கள்ளக்காதலுக்கு இடையூறாக இருக்கும் கார் டிரைவர் பச்சோரியை கொலை செய்ய திட்டமிட்டார் சுனில். சம்பவத்தன்று, பச்சோரி தனக்கு பல்வலி இருப்பதாக கூறவே, அவருக்கு சிகிச்சையளிப்பது போல நாற்காலியில் அமர வைத்து, திடீரென கழுத்தையறுத்து கொன்றுள்ளார் சுனில்.

திராவகம் வீச்சு

இதன்பிறகு தனது வீட்டுக்குள் பல துண்டுகளாக பச்சோரி உடலை அறுத்துள்ளார். பிறகு, திராவகத்தை வீசி உடலை எரித்துள்ளார். இதனிடையே, டாக்டரின் வீட்டுக்குள் வினோத சத்தங்களும், புகைமூட்டமும் எழுவதை கவனித்த அக்கம் பக்கத்தினர், நைஸாக போலீசுக்கு போன் போட்டு தகவலை சொல்லிவிட்டனர். திடீரென வீட்டுக்குள் நுழைந்த போலீசார் சுனிலை கையும் களவுமாக கைது செய்துள்ளனர்.

English summary

A leading orthopaedic doctor was arrested in Madhya Pradesh's Hoshangabad for allegedly killing his 30-year-old driver, chopping the body into over a dozen pieces and immersing them in acid at his home in a bid to destroy the evidence, police said on Tuesday.