திருப்பரங்குன்றம் தீபத்தூண் விவகாரம்! தமிழக அரசுக்கு டாக்டர் கிருஷ்ணசாமி அட்வைஸ்

Subscribe to Oneindia Tamil

கோவை: திருப்பரங்குன்றம் தீபம் ஏற்றும் விவகாரத்தில் உச்சநீதிமன்ற உத்தரவை தமிழக அரசு முழுமையாகச் செயல்படுத்த வேண்டும் என புதிய தமிழகம் கட்சித் தலைவர் கிருஷ்ணசாமி வலியுறுத்தி உள்ளார்.

கோவை குனியமுத்தூர் பகுதியில் உள்ள தனது இல்லத்தில் புதிய தமிழகம் கட்சித் தலைவர் டாக்டர் கிருஷ்ணசாமி செய்தியாளர்களைச் சந்தித்தார். அப்போது திருப்பரங்குன்றம் தீபம் ஏற்றும் விவகாரம் மற்றும் காவிரி நதிநீர் பங்கீடு தொடர்பாக பேசினார்.

thirupparangundram deepa thoon issue

திருப்பரங்குன்றம் தீபம் ஏற்றும் விவகாரத்தில் உச்சநீதிமன்றம் ஒருநாள் அனுமதி வழங்கியுள்ளதை முழு மனதுடன் வரவேற்பதாகத் தெரிவித்தார். கடந்த ஆண்டு திருப்பரங்குன்றம் உச்சிப் பிள்ளையார் கோவில் தீபத்தூணில் தீபம் ஏற்ற முயன்றபோது பல்வேறு தடைகள் ஏற்பட்டதால் நீதிமன்றத்தை அணுக வேண்டிய நிலை உருவானதாகக் குறிப்பிட்டார்.

அப்போது இரண்டு நீதிபதிகள் தீபம் ஏற்ற அனுமதி வழங்கியபோதும், தமிழக அரசு அதற்கு எதிராக உச்சநீதிமன்றத்தில் மேல்முறையீடு செய்ததாகக் கூறினார். இந்நிலையில், பல்வேறு சட்டப் போராட்டங்களைக் கடந்து தற்போது மீண்டும் தீபம் ஏற்ற அனுமதி கிடைத்துள்ளதாகத் தெரிவித்தார்.

மேலும், உச்சநீதிமன்றத்தின் இடைக்கால உத்தரவை தமிழக அரசு எந்தக் காரணத்தைக் கொண்டும் தடுக்க முயற்சிக்கக் கூடாது என்றார். நீதிமன்றம் யாருக்கு அனுமதி வழங்க வேண்டும் என உத்தரவிட்டுள்ளதோ, அவர்களை அனுமதித்து, நீதிமன்ற வழிகாட்டுதலின்படி அரசு அதிகாரிகள் ஒருங்கிணைந்து உரிய பாதுகாப்பு ஏற்பாடுகளைச் செய்ய வேண்டும் என வலியுறுத்தினார். மேல்முறையீட்டு வழக்கின் இறுதித் தீர்ப்பு வரும் வரை இடைக்கால உத்தரவை முழுமையாக நடைமுறைப்படுத்த வேண்டும் என்றும், இந்த விவகாரத்தில் தமிழக அரசுக்கு பின்னடைவு ஏற்பட்டுள்ளதாகவும் விமர்சித்தார்.

திருப்பரங்குன்றத்தில் தீபம் ஏற்றுவதால் யாருடைய உரிமையும் பாதிக்கப்படாது என்றும், தொன்று தொட்டு இருந்து வரும் மக்களின் நம்பிக்கைக்கு தமிழக அரசு தடையாக இருக்கக் கூடாது என்றும் தெரிவித்தார். இந்த விவகாரத்தில் மேல்முறையீடு செய்வதை அரசு கவுரவப் பிரச்சினையாகக் கருத வேண்டிய அவசியமில்லை என்றும், நீதிமன்ற உத்தரவை மதித்து செயல்பட வேண்டும் என்றும் கூறினார்.

தொடர்ந்து காவிரி நதிநீர் பங்கீடு குறித்துப் பேசிய அவர், காவிரி நீர் பங்கீட்டை ஒழுங்குப்படுத்த காவிரி நீர் மேலாண்மை ஆணையம் அமைக்கப்பட்டுள்ளதாகக் குறிப்பிட்டார். வறட்சியான காலகட்டங்களில் அணைகளில் இருந்து திறந்துவிட வேண்டிய தண்ணீரை கர்நாடக அரசு முறையாகத் திறந்துவிடாததால் மேட்டூர் அணை நிரம்பவில்லை என்றும், இதனால் சுமார் 10 லட்சம் ஏக்கர் பரப்பளவில் குறுவை சாகுபடி மேற்கொள்ள முடியாத நிலை ஏற்பட்டதாகவும் தெரிவித்தார். காவிரி மேலாண்மை ஆணையத்தின் உத்தரவுகளையும் கர்நாடக அரசு மதித்து செயல்படுவதில்லை எனக் குற்றம்சாட்டினார்.

மேகதாது அணை விவகாரத்தில் கர்நாடக முதல்வர் தொடர்ந்து பல்வேறு கூட்டங்களில் பேசி வரும் நிலையில், தமிழக அரசு இதுவரை அனைத்துக் கட்சிக் கூட்டத்தைக் கூட்டவில்லை எனக் குறை கூறினார். காவிரி நதிநீர் பிரச்சினை தொடர்பாக தமிழக அரசு உச்சநீதிமன்றத்தில் தொடர்ந்த வழக்கு தள்ளுபடி செய்யப்பட்டு, காவிரி மேலாண்மை ஆணையத்தை அணுகுமாறு அறிவுறுத்தப்பட்டுள்ளதாகக் குறிப்பிட்ட அவர், தமிழக அரசின் அணுகுமுறையில் தவறு இருப்பதாகத் தெரிவித்தார்.

தமிழக மக்களின் நலனைக் கருத்தில் கொண்டு காவிரி விவகாரத்தில் மெத்தனப் போக்கைக் கைவிட்டு அரசு தீவிரமாகச் செயல்பட வேண்டும் என்றும், முதலமைச்சர் உடனடியாக அனைத்துக் கட்சிக் கூட்டத்தைக் கூட்டி கர்நாடக அரசுக்கு அழுத்தம் கொடுக்கும் வகையில் நடவடிக்கை எடுக்க வேண்டும் என்றும் வலியுறுத்தினார்.

மேலும், சோனியா காந்தியின் புத்தக வெளியீட்டு நிகழ்ச்சியில் பங்கேற்ற தமிழக முதலமைச்சர், அப்போது கர்நாடக முதல்வரைச் சந்தித்து காவிரி நதிநீர் பிரச்சினை குறித்துப் பேசியிருக்கலாம் என்றும் தெரிவித்தார்.

திருப்பரங்குன்றம் தீபம் ஏற்றும் விவகாரத்தில் மத உணர்வுகள் மற்றும் நீண்டகால நம்பிக்கைகளைக் கருத்தில் கொண்டு தமிழக அரசு சுமுகமான அணுகுமுறையைக் கடைப்பிடிக்க வேண்டும் என்றும், அதேபோல் காவிரி நதிநீர் பிரச்சினையிலும் தமிழக மக்களின் உரிமைகளைப் பாதுகாக்க முதலமைச்சர் உரிய நடவடிக்கை எடுக்க வேண்டும் என்றும் தெரிவித்தார்.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+