உள்நாடோ, வெளிநாடோ.. எந்த ஊர் டிக்கெட்டாக இருந்தாலும் வெறும் ரூ.1212 மட்டுமே.. இண்டிகோ அதிரடி ஆஃபர்
இண்டிகோ விமான நிறுவனம் ரூ.1212 –க்கு விமான டிக்கெட் விற்பனை செய்வதாக அதிரடியான ஆஃபர் அறிவித்துள்ளது.
மும்பை: நாட்டின் மிகப்பெரிய விமான சேவை நிறுவனமான இண்டிகோ நிறுவனம் மிகக் குறைவான விலையில் ரூ.1,212 -க்கு விமான டிக்கெட் முன்பதிவு செய்யலாம் என்று பயணிகளுக்கு மிகப்பெரிய சலுகையை அறிவித்துள்ளது.
இண்டிகோ விமான நிறுவனம் இம்மாதம் (ஜூலை) 10 முதல் 13ம் தேதி வரை நான்கு நாட்கள் மெகா ஆஃபரில் விமான டிக்கெட் விற்பனையை அறிவித்துள்ளது. மேலும், வருகிற ஆகஸ்ட் 4 ஆம் தேதி இண்டிகோ விமான நிறுவனத்தின் 12 வது ஆண்டுவிழாவைத் தொடர்ந்து, ஜூலை 25, 2018 முதல் மார்ச் 30, 2019 வரைக்கு இடைப்பட்ட காலத்தில் பயணிக்க டிக்கெட் முன்பதிவு செய்தால், சர்வதேச விமான தடங்கள் உள்பட 12 லட்சம் பயண சீட்டு இந்த சிறப்பு பயண சலுகையில் கிடைக்குமாம்.
இண்டிகோ நிறுவனத்தின் தலைமை விற்பனை ஆலோசகர் வில்லியம் போல்டர் கூறுகையில், "நாங்கள் இந்தியன் ஏர்லைன் விமான டிக்கெட்டுகளை மிகப்பெரிய ஆஃபராக அறிவிப்பதில் மகிழ்ச்சியடைகிறோம்." என்று தெரிவித்துள்ளார்.
மேலும், எஸ்பிஐ வங்கியின் மூலம் விமான டிக்கெட் பெற குறைந்த பட்சம் ரூ.3000-க்கு பணப் பரிமாற்றம் செய்பவர்களுக்கு ரூ.500 பணம் திரும்ப அளிக்கப்படும் என்ற சலுகையும் அறிவிக்கப்பட்டுள்ளது.
இந்தியாவின் மிகப்பெரிய விமானப் போக்குவரத்து நிறுவனமான இண்டிகோ தற்போது 42 உள்நாட்டு விமான நிலையங்களுக்கும் 8 சர்வதேச விமான நிலையங்களுக்கும் தினமும் 1,086 விமானங்களை இயக்குகிறது.
Click it and Unblock the Notifications
Sign in with Google