இந்திய கிரிக்கெட் வீரர் முகமது ஷமி சென்ற கார் விபத்து.. தலையில் காயம்

இந்திய கிரிக்கெட் வீரர் முகமது ஷமி சென்ற கார் டெல்லி அருகே விபத்துக்கு உள்ளாகி இருக்கிறது.

டெல்லி: இந்திய கிரிக்கெட் வீரர் முகமது ஷமி சென்ற கார் டெல்லி அருகே விபத்துக்கு உள்ளாகி இருக்கிறது.

இந்திய கிரிக்கெட் வீரர் முகமது ஷமி மீது அவரது மனைவி ஹசின் ஜகான் பாலியல் குற்றங்கள் செய்ததாக புகார் வைத்து இருந்தார். மேலும் அவர் மேட்ச் பிக்சிங்கில் ஈடுபட்டதாகவும் கூறினார்.

இந்த நிலையில் தற்போது ஷமி சென்ற கார் டெல்லி அருகே விபத்துக்குள்ளாகி இருக்கிறது. டேராடூனில் இருந்து டெல்லி சென்ற போது நெடுஞ்சாலையில் கார் விபத்துக்குள்ளாகி இருக்கிறது.

இதில் ஷமிக்கு தலையில் காயம் ஏற்பட்டுள்ளது. தற்போது இவர் மருத்துவமனையில் அனுமதிக்கப்பட்டு இருக்கிறார். மருத்துவர்கள் இவரை சோதனை செய்து வருகிறார்கள்.

தலையில் மட்டுமே சிறிய காயம் ஏற்பட்டு இருப்பதால் வேறு எந்த விதமான பிரச்சனையும் இல்லை என்று மருத்துவர்கள் தெரிவித்து இருக்கிறார்கள். இவரது மனைவி அளித்த மேட்ச் பிக்சிங் புகாரில் இருந்து தற்போதுதான் இவர் விடுவிக்கப்பட்டு பிசிசிஐ ஒப்பந்தம் மீண்டும் கிடைத்தது என்பது குறிப்பிடத்தக்கது.

English summary

Mohammed Shami car gets into accident near Delhi. While he was coming from Dehradun to Delhi, his car got into accident. He admitted in hospital, his head got injured.