ஒபாமாவுக்கு கொடுக்க பரிசு தேடி அலையும் பிரதமர் மோடி
டெல்லி: அமெரிக்கா செல்கையில் அந்நாட்டு அதிபர் பாரக் ஒபாமாவுக்கு அளிக்க பரிசு தேடி அலைகிறாராம் பிரதமர் நரேந்திர மோடி.
பிரதமர் நரேந்திர மோடி வரும் 26ம் தேதி அமெரிக்கா செல்கிறர். அங்கு அவர் பல்வேறு நிகழ்ச்சிகளில் கலந்து கொள்கிறார். அமெரிக்கா வரும் மோடிக்கு பிரமாண்ட வரவேற்பு அளிக்கவும், எதிர்ப்பு தெரிவித்து போராடவும் அமைப்புகள் தயாராகி வருகின்றன.
வரும் 29ம் தேதி வெள்ளை மாளிகையில் மோடிக்கு விருந்து அளிக்கிறார் ஒபாமா.
பரிசு
வெளிநாட்டு தலைவர்களை சந்திக்கையில் அவர்களுக்கு பிரத்யேகமாக பரிசு அளிப்பதை வழக்கமாக கொண்டுள்ளார் மோடி.
ஷின்சோ
ஜப்பானில் சுற்றுப்பயணம் செய்தபோது அந்நாட்டு பிரதமர் ஷின்சோ அபேக்கு மோடி பகவத் கீதையை பரிசாக அளித்தார்.
ஜின்பிங்
இந்தியாவுக்கு வந்த சீன அதிபர் ஜின்பிங்கிற்கு மோடி காதி ஜாக்கெட் மற்றும் மாண்டரினில் எழுதப்பட்ட பகவத் கீதையை பரிசாக அளித்தார்.
டோனி
இந்தியா வந்த ஆஸ்திரேலிய பிரதமர் டோனி அபாட்டுக்கு மோடி யோகா புத்தகம் ஒன்றை பரிசளித்தார்.
ஒபாமா
அமெரிக்கா செல்லும்போது ஒபாமாவுக்கு அளிக்க நல்ல பரிசை தேடி அலைகிறாராம் மோடி.
Click it and Unblock the Notifications
Sign in with Google