29 ரூபாய்க்கு லன்ச் சாப்பிட்ட நரேந்திர மோடி.. நாடாளுமன்ற கேன்டீனில்!
டெல்லி: பிரதமர் நரேந்திர மோடி, இன்று நாடாளுமன்ற கேன்டீனில் ரூ. 29 கட்டணம் செலுத்தி மதிய உணவு வாங்கி சாப்பிட்டார்.
நாடாளுமன்ற வளாகத்தில் கேன்டீன் ஒன்று உள்ளது. இங்கு எம்.பிக்களுக்கு மகா மகா சலுகை விலையில் சாப்பாடு தரப்படுகிறது. இந்த கேன்டீனுக்கு எம்.பிக்கள் மட்டுமல்லாமல் நாடாளுமன்றத்துக்கு வருவோரும் விசிட் அடிப்பது வழக்கம். இதுவரை பிரதமர் யாரும் வந்ததில்லை. ஆனால் இன்று அதிசயமாக பிரதமர் நரேந்திர மோடி விசிட் அடித்தார்.
அங்குள்ள மதிய உணவு எப்படி இருக்கிறது என்று பார்க்க ஆசைப்பட்ட மோடி அங்கு வருகை தந்தார். சைவ சாதம், சாலட், பருப்புக் கூட்டு, கூட்டுக் கறியுடன் கூடிய மதிய உணவுக்கு அவர் ஆர்டர் கொடுத்தார். இதற்கான கட்டணம் ரூ. 29 மட்டுமே.
மோடியுடன் குஜராத்தைச் சேர்ந்த 2 எம்.பிக்களும் உடன் வந்திருந்தனர்.
நாடாளுமன்ற கேன்டீனில் விற்பனை செய்யப்படும் உணவுகளின் விலை மிக மிக குறைவாகும். இங்கு எம்.பிக்கள் மட்டுமல்லாமல் பத்திரிகையாளர்களும் கூட ரெகுலராக சாப்பிடுவது வழக்கம். இங்கு ரூ. 12க்கு வயிறு நிறைய சாப்பிடலாம். அதிகபட்ச விலை கோழி பிரியாணிக்குத்தான். அதாவது ரூ. 34 கொடுத்தால் கோழி பிரியாணி கிடைக்கும். இதுதான் இந்த கேன்டீனில் ரொம்ப காஸ்ட்லியான சாப்பாடு என்பது குறிப்பிடத்தக்கது.
Modi வந்து சாப்பிட்டுப் போயிருக்கிறார்.. கேன்டீனில் ஏதாவது "Modification" வருமான்னு தெரியலையே!
Click it and Unblock the Notifications
Sign in with Google