ஆம் ஆத்மியின் பிரசாந்த் பூஷன் மீதும் தாக்குதல் முயற்சி!!

இந்தூர்: ஆம் ஆத்மி கட்சியின் மூத்த தலைவர்களில் ஒருவரான பிரசாந்த் பூஷன் மீதும் தாக்குதல் நடத்த முயற்சி மேற்கொள்ளப்பட்டது பரபரப்பை ஏற்படுத்தியது.

ஆம் ஆத்மி கட்சியின் மூத்த தலைவர் அரவிந்த் கேஜ்ரிவால் எங்கு சென்றாலும் அவருக்கு அடி விழுவது வாடிக்கையாகிவிட்டது. வாரணாசியில் நேற்று முன்தினம் அரவிந்த் கேஜ்ரிவால் மீது சரமாரியாக கற்கள் வீசித் தாக்குதல் நடத்தப்பட்டது.

இந்த நிலையில் ஆம் ஆத்மி கட்சியின் மூத்த தலைவர்களில் ஒருவரான பிரசாந்த் பூஷன் மத்திய பிரதேச மாநிலம் இந்தூரில் நேற்று செய்தியாளர்களை சந்தித்தார்.

இந்த சந்திப்பின் போது ஹிந்து அமைப்பு ஒன்றைச் சேர்ந்தவர் திடீரென எழுந்து பிரசாந்த் பூஷனின் தொப்பியைப் பறித்துவிட்டு அவரை தாக்க முயன்றார். ஆனால் பிரசாந்த் பூஷன் சுதாரித்துக் கொண்டதால் அந்நபரால் அடிக்க முடியவில்லை.

பின்னர் ஆம் ஆத்மியினர் அந்நபரை பிடித்து வெளியேற்றிவிட்டனர். இதனால் அங்கு பரபரப்பு ஏற்பட்டது

English summary

Aam Aadmi Party (AAP) leader Prashant Bhushan once again came under attack from a Hindu organisation on Friday when members of the Rashtrawadi Sanstha Devpath stormed his press conference in Indore forcing him to leave.