• search
For Quick Alerts
ALLOW NOTIFICATIONS  
For Daily Alerts

தமிழக ஆளுநர் ரோசய்யா சீமாந்திராவுக்கு கிளம்ப வேண்டிய நேரம் வந்தாச்சு!

By Veera Kumar
|

டெல்லி: மோடி அரசு அமைந்ததும், காங்கிரஸ் ஆட்சி காலத்தில் நியமிக்கப்பட்ட 18 கவர்னர்களின் பதவிகளை பறிக்க உள்ளதாக தகவல் வெளியாகியுள்ளது.

இதையடுத்து இவர்கள் ராஜினாமா கடிதங்களைத் தர தயாராகி வருகின்றனர்.

பாஜக அரசுக்கு குடைச்சல்...

பாஜக அரசுக்கு குடைச்சல்...

மத்தியில் காங்கிரஸ் அரசு ஆட்சியில் இருந்தபோது, ஊழல் குற்றச்சாட்டுகளால் பதவி விலகிய மாநில முதல்வர்கள் சிலருக்கு கவர்னர் பதவி அளித்தது. மத்திய அரசால் நியமிக்கப்பட்ட ஆளுநர்கள் பாஜக ஆளும் மாநிலங்களில் ஆட்சிக்கு எதிராக அவ்வப்போது குடைச்சல் கொடுத்தனர். இதையெல்லாம் கூட்டி கழித்து பார்த்துள்ள பாஜக, தங்களது ஆட்சி வந்ததும் காங்கிரஸ் அரசு நியமித்த 18 ஆளுநர்களை நீக்க திட்டமிட்டுள்ளது.

முதலிடத்தில் ஷீலா...

முதலிடத்தில் ஷீலா...

இந்த பட்டியலில் டெல்லி முன்னாள் முதல்வர் ஷீலா தீட்சித் முதலிடத்திலுள்ளார். டெல்லியில் நடந்த காமன்வெல்த் விளையாட்டு போட்டிகளில் நடந்த ஊழலில் ஷீலா தீட்சித்துக்கு தொடர்புள்ளதாக செய்திகள் வெளியாகிய நிலையில், அவர் கேரள ஆளுநராக நியமிக்கப்பட்டார். இதனால் எந்த ஒரு விசாரணை கமிஷனாலும் அவருக்கு எதிராக புகாரை விசாரிக்க முடியாமல் போனது.

சிவராஜ் பாட்டீலும் பாஜகவின் ஹிட் லிஸ்டில்...

சிவராஜ் பாட்டீலும் பாஜகவின் ஹிட் லிஸ்டில்...

காமன்வெல்த் விளையாட்டு போட்டி ஊழலை மீண்டும் தோண்டி எடுத்து நடவடிக்கை எடுக்க பாஜக முடிவு செய்துள்ளது. எனவே முதலில் கேரள ஆளுநர் பதவியில் இருந்து ஷீலாவை நீக்கிவிட்டு அதன்பிறகு அவருக்கு எதிராக நடவடிக்கையை தொடங்க திட்டமிட்டுள்ளது. முன்னாள் உள்துறை அமைச்சரும், பஞ்சாப் ஆளுநருமான சிவராஜ் பாட்டீலும் பாஜகவின் ஹிட் லிஸ்டிலுள்ளார். இவர் அமைச்சராக இருந்தபோது, பாஜக ஆட்சியில் நியமித்த ஆளுநர்கள் நால்வரை நீக்குவதில் முக்கிய பங்காற்றியவர் என்பதால், அவர் மீது பாஜக கோபத்திலுள்ளது.

பரத்வாஜ் ஓய்வு பெறுகிறார்.. ஆனால்...

பரத்வாஜ் ஓய்வு பெறுகிறார்.. ஆனால்...

அதே நேரம் பாஜக ஆட்சிக்கு அதிக தொல்லை கொடுத்த கர்நாடக ஆளுநர் பரத்வாஜ் அடுத்த மாதம் பணியில் இருந்து ஓய்வு பெறுகிறார். இவர் தான் கர்நாடக முதல்வராக இருந்த எடியூரப்பா பதவி விலக முக்கியக் காரணமாக இருந்தவர். இதனால், ஓய்வுக்கு முன்பே அவரை நீக்க வேண்டும் என எடியூரப்பா தரப்பு நெருக்குகிறது.

தமிழக ஆளுநர் ரோசய்யா..

தமிழக ஆளுநர் ரோசய்யா..

ராஜஸ்தான் ஆளுநர் மார்கரெட் ஆல்வா, ஓடிசா ஆளுநர் எஸ்.சி.ஜாமீர், மத்திய பிரதேச ஆளுநர் ராம் நரேஷ்யாதவ், தமிழக ஆளுநர் ரோசய்யா, ஜார்கண்ட் ஆளுநர் சையது அகமது, பிகார் ஆளுநர் டி.ஒய்.பாட்டீல், உத்தரகாண்ட் ஆளுநர் அஜிஸ் குரேஷி, குஜராத் ஆளுநர் கமலா பெனிவால் ஆகியோர் பாஜக மாற்றம் செய்ய உள்ள ஆளுநர் பட்டியலில் உள்ளனர்.

உச்ச நீதிமன்ற தீர்ப்பு இடைஞ்சல்..

உச்ச நீதிமன்ற தீர்ப்பு இடைஞ்சல்..

அதே நேரம் மத்தியில் வேறு ஆட்சி வந்துவிட்டதாலேயே, சொந்த காரணங்களுக்காக ஆளுநரை மாற்றக்கூடாது என்று வழக்கு ஒன்றில் 2010ம் ஆண்டு உச்சநீதிமன்றம் குறிப்பிட்டுள்ளதையும் சட்ட வல்லுநர்களுடன் ஆய்வு செய்து வருவதாக பாஜக தலைவர் ஒருவர் தெரிவித்தார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
After BJP's victory in Lok Sabha polls, party's Delhi unit is clamouring for the removal of Sheila Dikshit from the post of Kerala governor. The BJP wants that Dikshit should be questioned by the investigating agencies for her role in the Commonwealth Games scam. Besides Patil, the big names on the BJP’s hit-list include former Delhi chief minister Sheila Dikshit who was appointed Kerala governor in March this year, the Rajasthan governor Margaret Alva, the incumbent Odisha governor S.C. Jamir, Madhya Pradesh governor Ram Naresh Yadav, Tamil Nadu governor M. Rosaiah, Jharkhand governor Syed Ahmad, Bihar governor D.Y. Patil and Uttarakhand governor Aziz Qureshi. BJP would like governors of its choice in Bihar, Jharkhand and Uttarakhand before forcing fresh polls in the three states under its plan.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more