பாதாமி தொகுதியில் சித்தராமையா நாளை மறுநாள் வேட்பு மனு- எதியூரப்பா எதிர்த்து போட்டி?

பாதாமி தொகுதியிலும் போட்டியிடும் சித்தராமையா நாளை மறுநாள் வேட்புமனுத் தாக்கல் செய்கிறார்.

பெங்களூரு: கர்நாடகா சட்டசபை தேர்தலில் முதல்வர் சித்தராமையா 2 தொகுதிகளில் போட்டியிடுகிறார். பாதாமி தொகுதியில் நாளை மறுநாள் சித்தராமையா வேட்புமனுத் தாக்கல் செய்கிறார்.

கர்நாடக தேர்தலில் சாமுண்டீஸ்வரி தொகுதியில் போட்டியிட சித்தராமையா வேட்புமனுத் தாக்கல் செய்துள்ளார். இந்த நிலையில் பாதாமி தொகுதியிலும் சித்தராமையா போட்டியிட இருக்கிறார்.

சித்தராமையா எந்த தொகுதியில் போட்டியிட்டாலும் தோற்கடிப்போம் என மதச்சார்பற்ற ஜனதா தளத்தின் தலைவர் குமாரசாமி அறிவித்திருந்தார். அதேபோல் பாஜக முதல்வர் வேட்பாளர் எதியூரப்பாவும் கட்சி மேலிடம் அனுமதித்தால் சித்தராமையாவை எதிர்த்து போட்டியிடுவேன் என கூறியுள்ளார். அத்துடன் சித்தராமையாவை எதிர்த்து போட்டியிட தயார் என பாஜகவின் ஸ்ரீராமுலுவும் கூறியுள்ளார்.

இந்த நிலையில் பாதாமி தொகுதியில் சித்தராமையா நாளை மறுநாள் பிற்பகல் வேட்பு மனுத் தாக்கல் செய்ய உள்ளார்.

English summary

Karnataka CM Siddaramaiah to file nomination papers from Badami on April 24 between 2 and 3 pm. He will also be contesting from the Chamudeshwari constituency.