இதென்னய்யா கூத்து.. எம்.எல்.ஏ.வாக பதவியேற்ற மறுநாளே பதவியை ராஜினாமா செய்த சிக்கிம் முதல்வர் மனைவி!
காங்டாக்: சிக்கிம் முதல்வர் பிரேம்சிங் தமாங்கின் மனைவி கிருஷ்ணகுமாரி ராய் திடீரென தமது எம்.எல்.ஏ. பதவியை ராஜினாமா செய்திருப்பது பரபரப்பை ஏற்படுத்தி உள்ளது.
சிக்கிம் மாநில சட்டசபை தேர்தல், லோக்சபா தேர்தலுடன் நடத்தப்பட்டது. சிக்கிம் மாநிலத்தில் சிக்கிம் கிராந்திக்காரி மோர்ச்சா அமோக வெற்றியைப் பெற்று ஆட்சியை அமைத்துள்ளது. முதல்வராக பிரேம்சிங் தமாங் பதவியேற்றார்.
சிக்கிம் மாநிலத்தின் நாம்ச்சி சிங்கிதாங் தொகுதியில் போட்டியிட்டு வென்றவர் முதல்வர் பிரேம்சிங் தமாங்கின் மனைவி கிருஷ்ணகுமாரி ராய். சிக்கிம் சட்டசபையில் நேற்றுதான் புதிய எம்.எல்.ஏ.வாக பதவியேற்றார்.
இந்த நிலையில் திடீரென தமது எம்.எல்.ஏ. பதவியை ராஜினாமா செய்வதாக கிருஷ்ணகுமாரி ராய் அறிவித்துள்ளார். இந்த திடீர் முடிவுக்கான காரணங்கள் வெளியாகவில்லை. அதே நேரத்தில் கிருஷ்ணகுமாரி ராயின் ராஜினாமா முடிவை சட்டசபை சபாநாயகர் எம்.என்.ஷெர்பா ஏற்றுக் கொண்டுள்ளார்.
Click it and Unblock the Notifications
Sign in with Google