நீங்க பிரதமர் வேட்பாளராக இருந்தாதான் 'சிறப்பு" .: திக்விஜய்சிங்- சுஷ்மா மாறி மாறி புகழாரம்!
டெல்லி: லோக்சபா தேர்தல் களம் அனல் பறந்து கொண்டிருக்க காங்கிரஸ் கட்சியின் திக்விஜய்சிங்கும் பாஜகவின் சுஷ்மா ஸ்வராஜூம் இதை 'கூலா'க்கிக் கொண்டிருக்கிறனர்.
பாரதிய ஜனதாவின் பிரதமர் வேட்பாளராக நரேந்திர மோடி அறிவிக்கப்பட்டு படு வேகமாக பிரசாரம் செய்து வருகிறார். இந்த நிலையில் காங்கிரஸ் மூத்த தலைவரான திக்விஜய்சிங் அதிரடியாக, வாஜ்பாயை போல ஏற்றுக் கொள்ளக் கூடிய தலைவராக இருப்பவர் சுஷ்மா ஸ்வராஜ்தான். மோடியை விட அவர்தான் பாஜகவின் சிறந்த பிரதமர் வேட்பாளர். இப்போது பாஜக என்பது இல்லை.. அங்கு மோடி மயம்தான் என்று கூறியிருந்தார்.
சுஷ்மா ஸ்வாரஜூம் தம் பங்குக்கு சும்மா இருக்கவில்லை. காங்கிரஸ் கட்சியில் ராகுல் காந்தியை விட திக்விஜய்சிங்தான் சிறந்த பிரதமர் வேட்பாளர் என்று கூறியிருக்கிறார்.
முன்பும் திக்விஜய் சிங்கை பாராட்டி சுஷ்மா போட்ட ட்வீட்
Even I think Digvijay Singh ji is a better candidate than Rahul Gandhi. @digvijaya_28
— Sushma Swaraj (@SushmaSwarajbjp) October 27, 2013
ஏற்கெனவே கடந்த அக்டோபர் மாதம் கூட சுஷ்மா ஸ்வராஜ் தமது ட்விட்டர் பக்கத்தில் , ராகுலைவிட திக்விஜய்சிங்தான் காங்கிரஸின் சிறந்த பிரதமர் வேட்பாளர் எனக் கூறியிருந்தது குறிப்பிடத்தக்கது.