ரைஸ் பக்கெட் சவாலை ஏற்று 500 பேருக்கு பிரியாணி பாக்கெட் வழங்கிய தாஜ் பேலஸ்
ஹைதராபாத்: ஹைதராபாத்தில் நடந்த ரைஸ் பக்கெட் சவாலில் பாலிவுட் இயக்குனர் மகேஷ் பட் கலந்து கொண்டு ஏழை மக்களுக்கு பிரியாணி பாக்கெட்டுகளை வழங்கினார்.
ஹைதராபாத்தை சேர்ந்த பெண் ஒருவர் ஏழைகளுக்கு உதவும் வகையில் ரைஸ் பக்கெட் சவாலை அறிமுகப்படுத்தினார். இந்த சவாலை ஏற்ற பலரும் ஏழைகளுக்கு அரிசி அல்லது உணவு வழங்கி வருகிறார்கள்.
இந்நிலையில் தாஜ் ஹோட்டலும் ரைஸ் பக்கெட் சவாலை ஏற்றது.
தாஜ் ஹோட்டல்
ஹைதராபாத்தில் உள்ள தாஜ் ஃபலக்நுமா பேலஸ் ஹோட்டல் சப்னா இக்தாரா பவுன்டேஷனுடன் இணைந்து ரைஸ் பக்கெட் சவாலை ஏற்றது.
மகேஷ் பட்
கேபிஆர் பார்க்கில் நடந்த ரைஸ் பக்கெட் சவால் நிகழ்ச்சியில் பாலிவுட் இயக்குனர் மகேஷ் பட் கலந்து கொண்டார்.
பிரியாணி
நிகழ்ச்சியில் 500 பேருக்கு பிரியாணி பாக்கெட்டுகளை மகேஷ் பட் வழங்கினார்.
ஊக்குவிப்பு
ரைஸ் பக்கெட் சவாலை ஏற்பது பிறரும் இந்த சவாலை ஏற்று மக்களுக்கு உதவத் தூண்டும் என்று தாஜ் ஃபலக்நுமா பேலஸின் பொது மேலாளர் கிரிஷ் ஷாகல் தெரிவித்தார்.
Click it and Unblock the Notifications
Sign in with Google