நடிகர் ராபின் வில்லியம்ஸ் விவகாரம்: இறந்தவர்களின் போட்டோக்களை அகற்றும் ட்விட்டர்

By Siva

Published: Thursday, August 21, 2014, 13:46 [IST]

Subscribe to Oneindia Tamil

டெல்லி: இறந்தவர்களின் புகைப்படங்களை நீக்குமாறு அவர்களின் குடும்பத்தார் கேட்டுக் கொண்டால் நீக்கப்படும் என்று ட்விட்டர் நிர்வாகம் தெரிவித்துள்ளது.

பிரபல ஹாலிவுட் நடிகர் ராபின் வில்லியம்ஸ் இறந்ததையடுத்து அவரின் புகைப்படங்களில் சில மாற்றங்களை செய்து அதை பலர் ட்விட்டரில் வெளியிட்டனர். இதை பார்த்து வேதனை அடைந்த அவரின் மகள் ஜெல்டா வில்லியம்ஸ் ட்விட்டரில் இருந்தே வெளியேறுவதாக அறிவித்தார்.

இந்த மாற்றம் செய்யப்பட்ட புகைப்படங்களை தனது இறந்த தந்தையின் பெயரைக் கெடுப்பது போன்று உள்ளது என்று அவர் தெரிவித்தார்.

இந்நிலையில் ட்விட்டர் நிர்வாகம் வெளியிட்டுள்ள அறிக்கையில் கூறியிருப்பதாவது,

ட்விட்டரில் உள்ள இறந்தவர்களின் புகைப்படங்களை நீக்குமாறு அவர்களின் குடும்பத்தார் கேட்டுக் கொண்டால் அவை நீக்கப்படும்.
அவ்வாறு இறந்தவர்களின் புகைப்படங்கள் அல்லது வீடியோக்களை ட்விட்டரில் இருந்து அகற்ற விரும்புவோர் அதற்கான கோரிக்கையை
[email protected] என்ற மின்னஞ்சல் முகவரிக்கு அனுப்பலாம். அந்த கோரிக்கைகளை பரிசீலித்து அதன் தன்மையை உணர்ந்து செயல்படுவோம். அதே சமயம் அனைவரின் கோரிக்கைகளையும் ஏற்க முடியாமல் போகலாம் என்று அதில் தெரிவிக்கப்பட்டுள்ளது.

Published On August 21, 2014