பாஜக தலைவர் ராஜ்நாத்சிங்கை சந்திக்க விஜயகாந்த் திட்டம்?

டெல்லி: லோக்சபா தேர்தல் கூட்டணி தொடர்பாக பாரதிய ஜனதா கட்சித் தலைவர் ராஜ்நாத்சிங்கை தேமுதிக தலைவர் விஜயகாந்த் இன்று சந்திக்கக் கூடும் என டெல்லி தகவல்கள் தெரிவிக்கின்றன.

லோக்சபா தேர்தலில் எந்த கட்சியுடன் கூட்டணி என்பதை அறிவிக்காமலேயே இருந்து வருகிறார் விஜயகாந்த். இந்த நிலையில் திடீரென டெல்லி சென்று பிரதமர் மன்மோகன்சிங்கை விஜயகாந்த் இன்று சந்தித்தார்.

அதே நேரத்தில் சோனியா அல்லது ராகுலையும் விஜயகாந்த் சந்தித்து என்று தகவல்கள் வெளியாகி வந்தன. இந்நிலையில் பாரதிய ஜனதா தலைவர் ராஜ்நாத்சிங்கை விஜயகாந்த் சந்திக்க திட்டமிட்டிருப்பதாக கூறப்படுகிறது.

இது குறித்து பாஜக நிர்வாகிகளுடன் தேமுதிக தரப்பில் பேசப்பட்டதாகவும் தகவல்கள் வெளியாகி இருப்பது தமிழக அரசியலில் பரபரப்பை ஏற்படுத்தியுள்ளது. முன்னதாக திருச்சியில் செய்தியாளர்களிடம் பேசியிருந்த திமுக தலைவர் கருணாநிதி, விஜயகாந்த் தங்கள் அணிக்கு வருவார் என்று நம்பிக்கை வெளியிட்டிருந்தது குறிப்பிடத்தக்கது.

English summary

DMDK leader Vijayakanth may to meet BJP National leader Rajnath Singh in Delhi,Sources said.