ராவணன் ஹீரோவா? ‘ராமாயணா’ படத்தை தடை செய்ய வேண்டும் - விஷ்வ ஹிந்து பரிஷத் கடும் எதிர்ப்பு!

Subscribe to Oneindia Tamil

டெல்லி: ராவணனை பெருமைப்படுத்தும் ராமாயணா பட திரையிடலை நிறுத்தவேண்டும் என விஸ்வ இந்து பரிஷத் வலியுறுத்தி உள்ளது. ராமாயணா படத்துக்கு வழங்கப்பட்ட சென்சார் சான்றிதழை ரத்து செய்யவேண்டும் எனவும் VHP கோரியுள்ளது.

நிதேஷ் திவாரி இயக்கத்தில் ரன்பீர் கபூர் ராமராகவும், யாஷ் ராவணனாகவும், சீதையாக சாய் பல்லவியும் நடித்த'ராமாயணா ரைஸ் ஆஃப் எ லெஜண்ட்' திரைப்படம் கடந்த நவம்பர் 5 ஆம் தேதி உலகெங்கும் வெளியானது. இப்படம் பாக்ஸ் ஆபீசில் ரூ.1,500 கோடி வசூலை கடந்து வசூல் சாதனைகளை முறியடித்து வருகிறது.

Vishva Hindu Parishad seeks ban on Ramayana movie

இந்நிலையில்,'ராமாயணா' திரைப்படத்தில் ராவணனை மெச்சும் வகையில் மிகைப்படுத்திக் காட்டப்பட்டுள்ளதாகவும், உண்மைகள் சிதைக்கப்பட்டுள்ளதாகவும் விஷ்வ ஹிந்து பரிஷத்தின் பொதுச் செயலாளர் பஜ்ரங் லால் பக்ரா மற்றும் சர்வதேசத் தலைவர் அலோக் குமார் ஆகியோர் குற்றம் சாட்டியுள்ளனர்.

ராமாயணா திரைப்படத்தின் திரையிடலை உடனடியாக நிறுத்தவும், அதன் தணிக்கைச் சான்றிதழை ரத்து செய்யவும் விஸ்வ ஹிந்து பரிஷத் கோரிக்கை விடுத்துள்ளது.

இது குறித்து பஜ்ரங் லால் பக்ரா கூறுகையில், "இந்து சமூகத்தின் உணர்வுகளுடன் விளையாடும் இத்தகைய முயற்சிகளைச் சமூகம் ஒருபோதும் ஏற்றுக்கொள்ளாது. இந்தப் படத்தில், அகல்யாவுக்கு சாப விமோசனம் அளித்தது, நிஷாத மன்னன் குகனுடனான நட்பு மற்றும் கேவட்டனின் பக்தி போன்ற ராமாயணத்தின் மிக முக்கியமான நிகழ்வுகள் விடுபட்டுள்ளன.

இதற்கு மாறாக, முனிவர்கள் மற்றும் சாதுக்களின் ஆன்மிகச் செயல்பாடுகள், யாகங்கள் மற்றும் குருகுலங்களுக்குத் தடையாக இருந்த அரக்கர்களை அழிக்கும் பகவான் ராமரின் உன்னதமான பணியை, தனது மனைவி கடத்தப்பட்டதற்காகப் பழிவாங்கும் ஒரு தனிப்பட்ட போராட்டமாக இப்படத்தில் சித்தரிக்கப்பட்டுள்ளது.

மகரிஷி வால்மீகியின் மூல ராமாயணத்தில் உள்ள பல சம்பவங்கள் திரைப்படத்தில் திரித்துக்கூறப்பட்டுள்ளது. தனது மனைவி கடத்தப்பட்டதற்குப் பழிவாங்கும் செயலாகவே இராமரின் பயணம் சுருக்கப்பட்டுள்ளது.

இந்தத் திரைப்படம் ராவணனை ஒடுக்கப்பட்டவர்களின் மீட்பராகச் சித்தரிப்பதன் மூலம் ஓர் அரசியல் பிம்பத்தை உருவாக்க முயல்கிறது. ராவணனை மெச்சும் வகையில் மிகைப்படுத்தி சித்தரிப்பது இந்துக்களின் உணர்வுகளைப் புண்படுத்துவதாக அமைந்துள்ளது" என்று தெரிவித்துள்ளார்.

அலோக் குமார் கூறுகையில் "இந்தத் திரைப்படம் ராவணனை தலித்துகள், ஒடுக்கப்பட்டவர்கள் மற்றும் விளிம்புநிலை மக்களின் மீட்பராகவும், அவர்களின் நலனுக்காக உழைப்பவராகவும் காட்டுகிறது. இதுவும் ராவணனை மிகைப்படுத்திக் காட்டும் ஒரு முயற்சியே. இந்தத் திரைப்படத்தில் பல வரலாற்று நிகழ்வுகள் சிதைக்கப்பட்டுள்ளன.

ராவணன் அறிவாளியாகவும், பக்திமானாகவும், வலிமை மிக்கவனாகவும் இருந்தபோதிலும், அவன் மக்களை ஒடுக்கியதால் அறமற்றவனாகவே இருந்தான். ராமாயணத்தின் அனைத்துப் பதிப்புகளிலும் இது தெளிவாகக் குறிப்பிடப்பட்டுள்ளது" எனத் தெரிவித்துள்ளார்.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+