ஒய்ட்னி ஹூஸ்டனும், ஸ்ரீதேவியும்.. மரணத்தில் எத்தனை ஒற்றுமை பாருங்கள்!

டெல்லி: அமெரிக்க பாப் பாடகி ஒய்ட்னி ஹூஸ்டன் மரணத்திற்கும், நடிகை ஸ்ரீதேவியின் மரணத்திற்கும் சில ஒற்றுமைகள் உள்ளன.

நடிகை ஸ்ரீதேவியின் மரணம் குறித்த விவரங்கள் வெளியாகியுள்ளன. இது பல கேள்விகளை எழுப்பியுள்ளது. இயற்கையான மரணமாக இருக்கலாம் என்ற போதிலும் கூட அவர் மரணமடைவதற்கான சூழல் எப்படி ஏற்பட்டது என்பதில் குழப்பம் நிலவுகிறது.

இந்த நிலையில் பாப் பாடகி ஹூஸ்டனின் மரணத்திற்கும், ஸ்ரீதேவி மரணத்திற்கும் இடையே சில ஒற்றுமைகளைக் காண முடிகிறது.

ஒய்ட்னி மரணம்

2012ம் ஆண்டு பிப்ரவரி 11ம் தேதி மரணமடைந்தார் ஒய்ட்னி. நீர் நிரப்பப்பட்ட பாத்டப்பில் மூழ்கிய நிலையில் பிணமாகக் கண்டெடுக்கப்பட்டார் ஒய்ட்னி. தற்செயலாக நீரில் மூழ்கி ஒய்ட்னி இறந்ததாக பின்னர் தடவியல் சோதனையில் தெரிவிக்கப்பட்டது.

ஸ்ரீதேவியும் அதே பாணியில்

கிட்டத்தட்ட ஸ்ரீதேவியும் அதே பாணியில் மரணமடைந்துள்ளார். அதே மாதம், அதாவது பிப்ரவரியிலேயே ஸ்ரீதேவியின் மரணமும் நிகழ்ந்துள்ளது. ஸ்ரீதேவியும் நீர் நிரப்பிய பாத் டப்பில் மூழ்கியுள்ளார். ஸ்ரீதேவியும் தற்செயலாக மரணமடைந்துள்ளதாக தடவியல் சோதனை கூறுகிறது.

மரண சூழலில் குழப்பம்

இருவரது மரணத்திலும் கூட சூழல்கள்தான் குழப்பமாக உள்ளது. அதாவது ஒய்ட்னி எப்படி பாத்டப்பில் மூழ்கினார் என்பது தெரியவில்லை. அதேபோலத்தான் ஸ்ரீதேவி மூழ்கியதிலும் குழப்பம் நிலவுகிறது.

காலம்தான் பதில் சொல்லனும்

ஸ்ரீதேவி மரணத்தின் காரணம் அனைவரையும் அதிர வைத்துள்ளது. போதை நிரம்பி வழியும் அளவுக்கா அவர் மது அருந்தியிருப்பார் என்று அனைவரும் ஆச்சரியப்படுகின்றனர். காலம்தான் பதில் சொல்ல வேண்டும்.

English summary

Pop icon Whitney Houston and Actress Sridevi have many similarities in their death. Whiteny was found face down in a water-filled bathtub on Feb. 11, 2012. It was said that it was accidental drowning. Same has happened to Sridevi.