மூன்று புதிய ஐ-போன்களை வெளியிட உள்ளதா ஆப்பிள் நிறுவனம்? - ஆஸ்திரேலிய இணையதளம் தகவல்

மெல்போர்ன்: உலகளவிலான ஐ- போன் பிரியர்களை ஆச்சரிப்படுத்தும் விதமாக ஆப்பிள் நிறுவனம் இந்த ஆண்டு புதிதாக 3 ஐ-போன்களை வெளியிட முடிவு செய்திருப்பதாக ஆஸ்திரேலியாவை சேர்ந்த இணையதளம் ஒன்று தெரிவித்துள்ளது. ஆனால், இது ஒரு தவறான தகவல் என்ற செய்தியும் அதே நேரத்தில் உலா வருகின்றது.

இந்த புதிய போன்கள் வரும் செப்டம்பர் மாதத்தில் வெளியிடப்பட வாய்ப்பு உள்ளதாக அந்த இணையதளம் தெரிவித்துள்ளது. மேலும் புதிதாக வெளியிடப்பட இருக்கும் 3 ஐ-போன்களில் ஒன்று ஐ-போன் 6 சி ஆக இருக்கும் என்று கூறப்படுகிறது.

இது ஐ-போன் 6ன் 4.7 இஞ்ச் திரையை விட சற்று குறைவாக 4 இஞ்ச் திரை மற்றும் ஏ-8 சிப் கொண்டதாக இருக்கும். இத்துடன் வரவிருக்கும் மற்ற இரண்டு போன்களும் ஏ-8 சிப்யை விட அதிக திறன் கொண்ட சிப்பை கொண்டிருக்கும் என அந்த இணையதளத்தில் கூறப்பட்டுள்ளது.

இந்த புதிதாக 3 ஐ-போன்களுடன் கடந்த ஆண்டு வெளியிடப்பட்ட ஐ-போன் 6 மற்றும் 6 ப்ளஸ் போன்களின் மேம்படுத்தப்பட்ட வடிவங்களும் விற்பனைக்கு வரும் என தெரிவிக்கப்பட்டுள்ளது. ஆனால், உண்மையா, பொய்யா என்பதை ஆப்பிள் நிறுவனம்தான் கூறவேண்டும்.

English summary

The latest scuttlebutt out of East Asia claims Apple has plans to release a total of three new I Phone models during its annual refresh cycle in the second half of the year, one of which will incorporate a 4-inch display.