அருவா மீசை...கொடூவா பார்வை... ஜெர்மனியில் 'விருமாண்டி'களின் அணிவகுப்பு....!

Published: Wednesday, November 6, 2013, 12:05 [IST]

Subscribe to Oneindia Tamil

பெர்லின்: மீசை என்றால் நம்மில் பலருக்கு உடனடியாக ஞாபகம் வருவது என்னவோ, வீரப்பனும், விருமாண்டியும் தான்.

ஆனால், அதையும் தாண்டி சிலர், கற்பனை செய்து கூட பார்க்க முடியாத அளவிற்கு வித்தியாசமாக மீசை வைத்திருக்கிறார்கள்.

அப்படிப் பட்டவர்களுக்காக நடத்தப் பட்டதுதான் இந்த வித்தியாசமான மீசைப் போட்டி....

சர்வதேசப் போட்டி...

ஜெர்மன் நாட்டில் ஸ்டட்கார்ட் அருகே உள்ள லென்ஃபெல்டன் நகரில் அழகிய மீசை வைத்திருப்பவர்களை தேர்வு செய்யும் சர்வதேச போட்டி நடைபெற்றது.

1990ம் ஆண்டு ஆரம்பிக்கப் பட்ட இந்தப் போட்டியில், இந்தாண்டு சுமார் 20 நாடுகளில் இருந்து, 300 போட்டியாளர்கள் கலந்து கொண்டனர்.

போட்டியாளர்கள் சிறிதும், பெரிதுமாக மிரட்டல் மீசைகளுடனும், பல்வேறு அலங்காரங்களுடனான மீசையுடனும் அவர்கள் கலந்து கொண்டனர்.

உடல்திறனை வெளிப்படுத்தும் போட்டி, உடல் அழகை வெளிப்படுத்தும் போட்டி என மற்ற வகைப் போட்டிகளில் இருந்து இப்போட்டி வித்தியாசப் பட்டது இப்போட்டி.

வித்தியாசமாக அழகிய மீசை வைத்திருப்பவர்களை தேர்வு செய்வதற்காக நடத்தப்பட்ட இந்த போட்டி, பார்வையாளர்களை வெகுவாக கவர்ந்தது.