மாணவர்கள் போராட்டம்.. ஹாவர்ட் பல்கலைக்கழகத்திற்கு வரி விதிப்போம் டிரம்ப் கொக்கரிப்பு

வாஷிங்டன்: அமெரிக்காவில் சமீபத்தில் பாலஸ்தீனத்திற்கு ஆதரவாக மாணவர்கள் போராட்டம் பெரிய அளவில் வெடித்திருந்தது. இந்த போராட்டங்களை கண்டித்திருக்கும் டிரம்ப், கல்வி நிலையங்களில் போராட்டங்களில் ஈடுபடும் மாணவர்கள் நாடு கடத்தப்படுவார்கள் என்று எச்சரித்தார். இதனை தொடர்ந்து ஹாவர்ட் பல்கலைக்கழகத்திற்கு அதிக வரி விதிக்கப்படும் என்றும் எச்சரித்துள்ளார்.

ஹாவர்ட் பல்கலைக்கழகம் தற்போது வரை பல்கலைக்கழகம் என்கிற அந்தஸ்தின் கீழ் வரி விலக்கை பெற்று வருகிறது. இனி இந்த அதஸ்தின் கீழ் ஹாவர்ட் வருமா என்பது சந்தேகமே! என்று கல்வியாளர்கள் சந்தேகம் தெரிவித்துள்ளனர்.

மாணவர்கள் போராட்டம் தொடர்பாக வெள்ளை மாளிகை சமீபத்தில் பல்கலைக்கழகத்திற்கு கடிதம் ஒன்றை எழுதியிருந்தது. அதில், "பண்முகத்தன்மை, சமத்துவம் மற்றும் சகோதாரத்துவம் (இவை EDI என்று சொல்லப்படுகிறது. Diversity, Equity, Inclusion) ஆகிய நடவடிக்கைகள உடனடியாக நிறுத்த வேண்டும். மாணவர்கள் மற்றும் பேராசிரியர்களுக்கு இருக்கும் அதிகாரங்கள் குறைக்கப்பட வேண்டும். மாணவர் அமைப்புகளையும், வெளிநாட்டு மாணவர்களின் செயல்பாடுகளை கண்காணிக்க வேண்டும்.

மாணவர் அமைப்புகள் யூத விரோத செயல்பாடுகளில் ஈடுபடுகிறதா? என்பதையும் ஆய்வு செய்ய வேண்டும். வேலைவாய்ப்பு தொடர்பான தரவுகளை அரசு அமைப்புகளுடன் பகிர வேண்டும்" என்றும் வெள்ளை மாளிகை தனது கடிதத்தில் குறிப்பிட்டிருக்கிறது.

இந்த கேள்விகளுக்கு பல்கலைக்கழகம் பதிலளித்திருக்கிறது. அதில், பல்கலைக்கழகத்தின் சுதந்திரத்தையும், அமெரிக்காவின் முதல் திருத்தச்சட்டத்தின் கீழ் உள்ள உரிமைகளையும் விவாதத்திற்கு உட்படுத்த மாட்டோம். அவை எங்களுக்கு வழங்கப்பட்டிருக்கும் உரிமைகள். இவற்றை அரசால் கட்டுப்படுத்த முடியாது. நீதிமன்றத்தில் இது உறுதி செய்யப்பட்டிருக்கிறது" என்று பல்கலைக்கழக தலைவர் அலன் கார்பர் தனது பதில் கடிதத்தில் எழுதியிருக்கிறார்.

ஆனால் டிரம்ப் இந்த விஷயத்தில் கறாராக இருக்கிறார். "பல்கலைக்கழகத்திற்கு என வரி விலக்கு உரிமை இருக்கிறது. இது பறிக்கப்படும். பல்கலைக்கு அரசு ஆதரவு வேண்டும் எனில், பல்கலை பொது விஷயத்தில் தலையிடாமல் இருக்க வேண்டும்" என்று தனது ட்ருத் சோஷியல் மீடியாவில் பதிவிட்டிருக்கிறார்.

பல்கலைக்கழகத்தின் மறுப்புக்கு பதிலளித்த வெள்ளை மாளிகை, பல்கலைக்கழகத்திற்கான $2.2 பில்லியன் மதிப்புள்ள நிதி உதவிகள் நிறுத்தப்படும் என்றும், சுமார் 600 மில்லியன் டாலர் மதிப்பிலான திட்டங்கள் நிறுத்தி வைக்கப்படுவதாகவும் அறிவித்திருக்கிறது. ஹார்வர்ட் பல்கலைக்கழகம், அமெரிக்காவின் வருமான வரி சட்டத்தின் பிரிவு 501(c)(3) கீழ் கல்வி நிறுவனமாக வரிவிலக்கு பெற்று வருகிறது. ஹார்வர்ட் பல்கலைக்கழகம் பாஸ்டன் மற்றும் கேம்பிரிட்ஜ் நகரங்களில் சொத்தை வைத்திருக்கிறது.

இந்த சொத்துக்கு வரி உண்டு. ஆனால் இது பல்கலைக்கழக சொத்து என்பதால் வரி விலக்கு வழங்கப்பட்டிருந்தது. இனி இந்த சொத்துக்களுக்கு பல்கலைக்கழகம் வரி செலுத்தும் சூழல் உருவாக வாய்ப்பு இருக்கிறது.

English summary

Recently, large-scale student protests in support of Palestine erupted across the United States. Condemning these protests, Donald Trump warned that students participating in demonstrations at educational institutions would be deported. Following this, he also threatened that Harvard University would face increased taxation.