ஒரு கிலோ கறி வாங்கினால் "அது' இலவசமாம்.. ஆடி மாசம் பிஸியில் சந்திரன்.. திணறும் திருமங்கலம்

ஒரு கிலோ கறி வாங்கினால் ஒரு லிட்டர் பெட்ரோல் இலவசமாம்

Updated: Friday, July 30, 2021, 18:26 [IST]

Subscribe to Oneindia Tamil

மதுரை: தமிழ்நாட்டில் ஆட்டுக்கறி விலையும் அதிகமாக இருக்கு.. பெட்ரோல் விலையும் அதிகமாக இருக்கு.. கறியும் வாங்க முடியாமல், பெட்ரோலும் போட முடியாமல் பெரும்பாலான மக்கள் அவதியில் உள்ளனர்.. அவர்களுக்காகவே ஒரு சூப்பர் அறிவிப்பை மதுரைக்காரர் வெளியிட்டுள்ளார்.

திடுதிப்பென்று பெட்ரோல் விலை உயர்ந்து விட்டது என்று சொல்ல முடியாது.. அது எப்போதுமே விலை உயர்ந்து கொண்டுதான் இருக்கிறது..

இதனால் மக்கள் அதிருப்தியிலும் வருத்தத்திலும் உள்ளனர்.. நடக்கபோகும் தமிழ்நாடு பட்ஜெட்டில் பெட்ரோல் விலை குறைய ஏதாவது அறிவிப்பு வருமா என்று மக்கள் ஏங்கி காத்தும் உள்ளனர்.

சிறப்பு சலுகை

இப்படிப்பட்ட சூழலில் மதுரை மாவட்டம் திருமங்கலத்தை சேர்ந்த ஒருவர் சிறப்பு தள்ளுபடி அறிவித்துள்ளார்.. அவர் பெயர் சந்திரன்.. வழக்கமாக ஆடி மாதம் என்றாலே, துணிக்கடை, நகைக்கடை, பாத்திரக்கடைகளில் சிறப்பு சலுகை விற்பனை உண்டு.. இந்த சிறப்பு சலுகைகளை வைத்து, அதிக லாபங்களை கடை முதலாளிகள் ஈட்டுவது வழக்கம்..

வியூகங்கள்

அதேபோல, இதுபோன்ற சலுகைகள் பொதுமக்களுக்கும் பலன் தருகிறது.. அந்த வகையில் மக்களை கவர்வதற்காக ஒவ்வொருவரும் ஒவ்வொரு வியூகங்களை கையில் எடுப்பார்கள்.. ஆனால் திருமங்கலம் சந்திரனோ, தன்னுடைய கறிக்கடையில் சிறப்பு விற்பனையை ஆடி தள்ளுபடியாக அறிவித்துள்ளார்.

இலவசம்

திருமங்கலத்திலேயே கறி கடைவைத்துள்ளார் சந்திரன்.. இங்கு ஆடு, கோழியை தவிர, நாட்டு கோழி, வாத்து, முயல்,வான்கோழி, காடை, கருப்புக் கோழி, கின்னிக் கோழி இப்படி ரகம் ரகமாக கறிகள் கிடைக்கும்... இந்த கடை ஆரம்பித்து 2 வருஷமாகிறது.. 2 வருஷமாகவே சிறப்பு ஆஃபர் தந்து வருகிறார்.. முதன்முதலாக ஆடி ஆஃபரில், 1 கிலோ கறிக்கு 6 முட்டை இலவசம், 12 முட்டை இலவசம் என்றார்..

கூட்டம்

இப்போது, ஒரு கிலோ கறி வாங்குபவர்களுக்கு ஒரு லிட்டர் பெட்ரோல் இலவசம் என்று அதிரடியாக அறிவித்துள்ளார். இந்த அறிவிப்பை கேட்டதுமே மதுரையே பரபரப்பாகிவிட்டது.. ஒரு லிட்டர் பெட்ரோல் 103 ரூபாய்க்கு விற்பனையாகி வரும்நிலையில். பலரும் சந்திரன் கடைக்கு கறி வாங்க வரிசை கட்டி வருகிறார்கள்.. ஒருகையில் கறி, இன்னொரு கையில் பெட்ரோலுடன் திரும்பி செல்கிறார்கள்... ஆடி மாசம் முழுக்க சந்திரன் பிஸிதான்..!