மாரத்தான் போட்டியில் தடுக்கி விழுந்த தேவ கவுடா.. அடுத்து என்ன நடந்தது பாருங்கள்! - வீடியோ
மைசூரில் மாரத்தான் போட்டியில் கர்நாடக அமைச்சர் ஜி.டி தேவ கவுடா ஓடி, பின் கீழே விழுந்த சம்பவம் பரபரப்பை ஏற்படுத்தி இருக்கிறது.
மைசூர்: மைசூரில் மாரத்தான் போட்டியில் கர்நாடக அமைச்சர் ஜி.டி தேவ கவுடா ஓடி, பின் கீழே விழுந்த சம்பவம் பரபரப்பை ஏற்படுத்தி இருக்கிறது.
கர்நாடக மாநிலம் மைசூரில் நடக்கும் மாரத்தான் போட்டி மிகவும் பிரபலமானது. சிறியவர்கள், முதியவர்கள் என்று இரண்டு பிரிவுகளாக இந்த மாரத்தான் போட்டி நடக்கும்.
இந்த நிலையில் தற்போது தசரா பாண்டிகையை ஒட்டி அங்கு மாரத்தான் போட்டி நடைபெற்றது. இதில் கர்நாடக மதசார்பற்ற ஜனதா தளம் கட்சியின் அமைச்சர் ஜிடி தேவ கவுடா கலந்து கொண்டார்.
65 நிரம்பிய இவர் அந்த மாரத்தான் போட்டியில் எல்லோருடனும் சேர்ந்து ஓடினார். இது எல்லோருக்கும் ஆச்சர்யம் அளித்தது. இவர் ஓடுவதை பார்த்த பலர் அவருடன் சேர்ந்து ஓடினார்கள்.
When 68 year old minister GT Devegowda took part in a marathon in Mysore. He tripped and fell in between but that enthusiasm!! pic.twitter.com/EVsvHni7n5
— Revathi Rajeevan (@RevathiRajeevan) October 14, 2018
ஆனால் வேகமாக தேவ கவுடா திடீர் என்று ஒரு இடத்தில் தடுமாறி விழுந்தார். கால் தடுமாறியதால் அவர் கீழே விழுந்தார். அவருக்கு அருகில் இருந்தவர்கள் அவருக்கு உதவி செய்து எழுப்பினார்கள்.
ஆனால் எழுந்த தேவ கவுடா அதை பொருட்படுத்தாமல் மீண்டும் வேகமாக ஓட தொடங்கினார். இத்தனை வயதில் அவர் இப்படி ஓடியது எல்லோருக்கும் ஆச்சர்யத்தை ஏற்படுத்தியது.
அருகே இருந்தவர்கள் எல்லோரும் அவர் ஓடுவதை பார்த்து கைதட்டினார்கள். இது வீடியோவாக வெளியாகி உள்ளது.