சத்தியமூர்த்தி எங்கே?.. "மிஸ்டர் க்ளீனுக்காக" ஆவேசமாக தமிழிசையிடம் கிளம்பி போகும் புதுச்சேரி பெண்கள்

சென்னை: புதுச்சேரியில் சத்தியமூர்த்தி தெரியுமா? இவருக்கு ஆதரவு தெரிவித்து ஆயிரக்கணக்கான பெண்கள் புதுச்சேரியில் போராட்டத்தை தொடங்கியிருக்கிறார்கள்.. ஏன் தெரியுமா?

பாண்டிச்சேரி அரசில் ஊரக வளர்ச்சித்துறையின் செக்ரட்டரியாக இருப்பவர் சத்தியமூர்த்தி ஐ.எஃப்.எஸ்.. மக்களுக்கு சேவை செய்வதில் அதீத ஆர்வம் கொண்டவர். பாண்டிச்சேரி அரசில் செயல்பட்டு வரும் 100 நாள் வேலை திட்டத்தை மிகச் சிறப்பாக நடைமுறைப்படுத்தி வந்தவரும்கூட..

அதேசமயம், அரசு தரப்பில் எதிர்பார்க்கும் சிலபல தில்லுமுல்லுகளுக்கு இடம் கொடுக்காமல் திட்டத்தின் பலன் முழுமையாக மக்களுக்குக் கிடைக்க வேண்டும் என்பதில் உறுதியாக இருந்தவரும்கூட. இந்த அனைத்து காரணங்களுக்காகவுமே, அரசின் கோபத்தை இவர் நேரடியாக எதிர்கொள்ள வேண்டியிருந்தது.

எனினும், 100 நாள் வேலைத் திட்டத்தில் அதிக எண்ணிக்கையில் பலனாளிகளை சேர்த்து மக்களுக்கான அதிகாரியாக மாறியிருந்தார் சத்தியமூர்த்தி.. ஆனால், இதனை பொறுக்காத பாண்டிச்சேரி அரசாங்கம், மத்திய உள்துறை அமைச்சகத்திடம் சொல்லி பாண்டிச்சேரியிலிருந்து அந்தமானுக்கு சத்திய மூர்த்தியை சமீபத்தில் டிரான்ஸ்பர் செய்துவிட்டது. உடனே இதனையறிந்த பாண்டிச்சேரி மக்கள் அதிர்ச்சி அடைந்துள்ளதுடன், கொந்தளித்து போயிருக்கிறார்களாம்.

டிரான்ஸ்பர்: சத்தியமூர்த்தியை மாற்றிய உத்தரவை திரும்பபெற வேண்டும் என்று அவருக்கான போராட்டத்தையும் முன்னெடுத்து வருகிறார்கள்.. இந்த சம்பவம் பாண்டிச்சேரி அரசியலில் மிகப்பெரிய பரபரப்பை ஏற்படுத்தி வருகிறது.. இது குறித்து துணை நிலை ஆளுநர் தமிழிசையிடம் கோரிக்கை கடிதம் கொடுக்கவும் 100 நாள் வேலைத்திட்டத்தின் பலனாளிகள் முயற்சித்து வருகின்றனர்.

இதற்கு ஆளுநர் என்ன செய்யப்போகிறார் என்று தெரியவில்லை.. ஆனால், பொதுமக்கள் கொந்தளித்து கிடக்கிறார்கள்.. டிரான்ஸ்பர் என்று கேள்விப்பட்டதுமே, இதை ரத்து செய்ய வேண்டும் என்று 300க்கும் மேற்பட்ட கிராமங்களை சேர்ந்த பெண்கள் போராட்டம் நடத்திவிட்டார்கள்.. ஒவ்வொருநாளும் பெண்கள், போராட்டத்தை முன்னெடுத்தும் வருகிறார்கள்..

பொறுப்பு: முன்பெல்லாம், இந்த 100 நாள் வேலை உறுதி திட்டத்தை பொறுத்தவரை, வருடத்துக்கு சில நாட்கள் மட்டுமே பெண்களுக்கு வேலை கிடைத்து வந்ததாம்.. ஆனால், சத்தியமூர்த்தி பொறுப்புக்கு வந்ததுமே, வருஷத்துக்கு 6 மாசம் வரை பெண்களுக்கு வேலை கிடைத்திருக்கிறதாம்.. இந்த நன்றிக்காகவே, அவரை டிரான்ஸ்பர் செய்யக்கூடாது என்று கொந்தளித்து சொல்கிறார்களாம் புதுச்சேரி பெண்கள்.

English summary

Do you know who is this Puducherry IFS Sathiyamoorthy and why did Women Protest against Gov