மறுபடியும் வர முடியுமா.. வந்துர முடியுமா.. தினகரனிடம் அமைச்சரை கடுமையாக விமர்சித்த பெண்!

அமைச்சரை சரமாரியாக பெண் ஒருவர் திட்டிய வீடியோ வைரலாகிறது.

புதுக்கோட்டை: புதுக்கோட்டைக்கு வந்த அமமுக தலைவர் டிடிவி தினகரனிடம், அமைச்சர் ஒருவரை கடுமையாக விமர்சித்து திமுக மகளிர் அணி நிர்வாகி பேசியது பரபரப்பை ஏற்படுத்தியுள்ளது.

சுகாதாரத்துறை அமைச்சருக்கு சொந்த ஊர் புதுக்கோட்டை ஆகும். எப்போதெல்லாம் தினகரன் அந்த மாவட்டத்துக்கு போவாரோ அப்போதெல்லாம் விஜயபாஸ்கரை கடுமையாகவே விமர்சித்து விட்டுதான் வருவார்.

அதேபோல "உங்க மாவட்ட அமைச்சர் குட் டாக்டர் இல்லை, குட்கா டாக்டர்" என்று சொன்னார். ஆனால் தினகரனின் இந்த பேச்சுக்கு இதுவரை அமைச்சர் உள்பட அதிமுக தரப்பிலிருந்து எந்த பதிலும், விளக்கமும், கண்டனமும் சொல்லவில்லை.

திட்டி தீர்க்கிறார்

இந்த நிலையில் டிடிவி தினகரன் புயல் பாதித்த பகுதிகளை பார்வையிட புதுக்கோட்டைக்கு சென்றிருக்கிறார். இப்போதும் விஜயபாஸ்கருக்கு சரமாரி திட்டு விழுகிறது. ஆனால் டிடிவியிடமிருந்து இல்லை. ஒரு பெண் டிடிவியிடம் அமைச்சரை திட்டி தீர்க்கிறார்.

வழி மறித்த பெண்

டிடிவி காரில் சென்று கொண்டிருக்கும்போது, அவரை ஒரு பெண் மறிக்கிறார். கார் நிற்கிறது. அந்த பெண் திமுக மகளிர் அணி நிர்வாகி கமலா என்று கூறப்படுகிறது. இவருக்கும், அமைச்சருக்கும் ஏதோ பிரச்சினை போல. அதை கொஞ்சமும் சம்பந்தமில்லாத டிடிவியிடம் சொல்லி திட்ட ஆரம்பிக்கிறார் அந்த பெண்.

சாவுதுங்க...

முற்றிலும் ஒருமையில்தான் பேசுகிறார் அப்பெண். அதை அமைதியாக வாகனத்தில் இருந்தபடி கேட்டுக் கொண்டிருக்கிறார் தினகரன். உங்க அம்மாதானே வளர்த்து விட்டுச்சு.. உங்க அம்மாதானே எங்க தலைவரை திட்டினதுக்காக பதவி குடுத்துச்சு... போங்க... மக்களை பாருங்க.. சாவுதுங்க மக்கள்" என ஆவேசமாக ஒத்தை விரலை நீட்டி கொதித்து போய் பேசுகிறார் அந்த பெண்.

வரவே முடியாது

தினகரன் அந்த பெண்ணின் பேச்சுக்கு இடையில், "வரவே முடியாது.. அரசியல்லேயே இருக்க முடியாது" என்று பதில் சொல்லிவிட்டு நகர்கிறார். இப்படி மாவட்ட அமைச்சரையே பெண் ஒருவர் வாய் நிறைய திட்டிய வீடியோ இணையத்தில் வைரலாகி வருகிறது

English summary

Lady Complaint about Minister Vijayabaskar to TTV Dinakaran