உங்களுக்கு அருவருப்பா இல்லை.. உதயநிதியைப் பார்த்து குமுறிய திமுக தொண்டர்!

திமுக நிர்வாகிகள் கூட்டத்தில் உதயநிதியின் புகைப்படம் இருப்பதை பார்த்துவிட்டு தொண்டர் ஒருவர் அவரிடம் கோபமாக கேள்வி எழுப்பியுள்ளார்.

சென்னை: திமுக நிர்வாகிகள் கூட்டத்தில் உதயநிதியின் புகைப்படம் இருப்பதை பார்த்துவிட்டு தொண்டர் ஒருவர் அவரிடம் கோபமாக கேள்வி எழுப்பியுள்ளார்.

திமுகவின் தலைவராக ஸ்டாலின் பொறுப்பேற்றுள்ளார். இந்த நிலையில் கட்சியில் தொடர்ந்து அதிரடியாக மாற்றம் நடந்து கொண்டு இருக்கிறது.

கனிமொழிக்கு என்ன பதவி அளிக்கப்படும் என்றும் கேள்வி எழுந்து வருகிறது. தற்போது இந்த ரேஸில் உதயநிதியும் சேர்ந்து இருக்கிறார்.

மூன்றாம் கலைஞர் பிரச்சாரம்

ஆனால் அதே சமயம் உதயநிதி ஸ்டாலின் திமுகவில் சமீப காலமாக முன்னிலைப்படுத்தப்படுகிறார். திமுகவின் மூன்றாம் கலைஞர் அவர்தான் என்று கூட சிலர் போஸ்டர் வைத்து இருந்தனர். அவர்தான் திருவாரூர் தேர்தலில் நிற்க போகிறார் என்றும் கூட சிலர் பேசி வந்தனர்.

உதயநிதி ஸ்டாலின் புகைப்படம்

இந்த நிலையில் கடந்த 4ம் தேதி தஞ்சையில் திமுக கூட்டம் நடந்தது. தஞ்சை தெற்கு மாவட்ட கழக பொது உறுப்பினர்கள் கூட்டம் நடந்தது. இதில் கருணாநிதி, ஸ்டாலின் புகைப்படங்கள் இருந்தது. அதனுடன், உதயநிதி ஸ்டாலினின் புகைப்படமும் இருந்தது.

Mr @Udhaystalin ஒரு திமுக தொண்டனாய் இதெல்லாம் எவ்வளவு அருவருப்பா இருக்கு தெரியுமா?

உங்களுக்கு தோணலையா?

முன்னனி தலைவர்கள் மேடைல உங்க போட்டோ இடம்பெற உங்கள் தகுதி என்ன? pic.twitter.com/jipMT6ozOD

— Shamurai (@Shamurai10) September 7, 2018

தொண்டர் கேள்வி

இந்த நிலையில்தான் திமுக தொண்டர் ஒருவர் டிவிட்டரில் இதுகுறித்து, உதயநிதியிடம் கேள்வி எழுப்பியுள்ளார். அதில், மிஸ்டர். உதயநிதி ஒரு திமுக தொண்டனாய் இதெல்லாம் எவ்வளவு அருவருப்பா இருக்கு தெரியுமா, உங்களுக்கு தோணலையா? முன்னணி தலைவர்கள் மேடைல உங்க போட்டோ இடம்பெற உங்கள் தகுதி என்ன?, என்று கோபமாக கேள்வி எழுப்பியுள்ளார்.

தவறு! மீண்டும் நடக்காது! https://t.co/OseQJd2WF4

— Udhay (@Udhaystalin) September 7, 2018

இனி நடக்காது

இந்த நிலையில் இதற்கு உதயநிதி ஸ்டாலின் கொஞ்சமும் யோசிக்காமல் பதில் அளித்துள்ளார். அதில் ''தவறு! மீண்டும் நடக்காது!'' என்றுள்ளார்.

English summary

A DMK fights with Udhaynidhi over a meeting poster which got his photo on it.