Click it and Unblock the Notifications
Don't Miss
-
2 திருமணம்.. 2 விவாகரத்து..ரேஷ்மா பசுபுலேட்டியின் கண்ணீர் கதை! -
கச்சா எண்ணெய் விலை தடாலடி உயர்வு.. பணவீக்கத்திற்கு வேட்டு, ரெப்போ விகிதம் குறைவது கடினம்..!! -
மனித இரத்தத்தை விரும்பி சுவைக்கும் ஆபத்தான பாக்டீரியா: ஆய்வில் தெரியவந்துள்ள அதிர்ச்சியளிக்கும் செய்தி...! -
இந்திய நிறுவனம் தயாரிச்ச வண்டியா இது? முழுக்க முழுக்க மின்சாரத்தில் இயங்கும்! ஹல்க்கைவிட அதிக எடையை சுமக்கும்! -
"மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு -
பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது! -
பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
ஜெ.மரணம்- தினகரன், கிருஷ்ணப்பிரியா, பூங்குன்றனுக்கு ஆறுமுகசாமி கமிஷன் சம்மன்
ஜெயலலிதா மரணம் தொடர்பாக விசாரணை நடத்த தினகரன், கிருஷ்ணப்பிரியா, பூங்குன்றன் ஆகியோருக்கு ஆறுமுகசாமி கமிஷன் சம்மன் அனுப்பியுள்ளது.
சென்னை: ஜெயலலிதா மரணம் தொடர்பாக விசாரணை நடத்த சசிகலா உறவினர்கள் டிடிவி தினகரன், கிருஷ்ணப்பிரியா, ஜெ.வின் உதவியாளர் பூங்குன்றம் ஆகியோர் ஆஜராக வேண்டும் என ஆறுமுகசாமி கமிஷன் சம்மன் அனுப்பியுள்ளது.
ஜெயலலிதா கடந்த ஆண்டு 75 நாட்கள் அப்பல்லோ மருத்துவமனையில் சிகிச்சை பெற்றுவிட்டு டிசம்பர் 5-ஆம் தேதி மரணமடைந்தார். இவரது மரணத்தில் மர்மம் இருப்பதாக மக்கள், எதிர்க்கட்சியினர் புகார் கூறினர்.
இதையடுத்து அதிமுக பிளவுப்பட்டிருந்தபோது ஓபிஎஸ் அணியினருடம் அதே கோரிக்கையை வலியுறுத்தினர். மேலும் அதிமுகவின் அணிகள் இணைய வேண்டுமானால் ஜெயலலிதா மரணம் தொடர்பாக விசாரணை நடத்த ஆணையத்தை அமைக்க வேண்டும் என்று ஓபிஎஸ் தரப்பு வலியுறுத்தியது.
பிரமாண பத்திரங்கள்
இதனால் தமிழக அரசு சார்பில் ஓய்வு பெற்ற நீதிபதி ஆறுமுகசாமி தலைமையில் ஒரு நபர் கமிஷன் அமைக்கப்பட்டது. அவருக்கென எழிலகத்தில் அலுவலகம் அமைக்கப்பட்டுள்ளது. ஜெயலலிதா மரணம் தொடர்பான விவரங்களை பிரமாணப் பத்திரங்களை தாக்கல் செய்யலாம் என்று கமிஷன் உத்தரவிட்டிருந்தது. அதன் பேரில் தீபா, மாதவன், திமுக மருத்துவர் சரவணன் உள்ளிட்டோர் நேரடியாக சென்று பிரமாண பத்திரங்களை தாக்கல் செய்தனர்.
மருத்துவர்கள் ஆஜர்
அரசு மருத்துவர்கள், அப்பல்லோ மருத்துவர்கள், ஜெயலலிதாவுக்கு சிகிச்சை அளித்த
பிற மருத்துவர்கள், தமிழக அரசின் முன்னாள் தலைமை செயலாளர்கள் ஷீலா பாலகிருஷ்ணன், ராம் மோகனராவ் உள்ளிட்டோரை ஆறுமுகசாமி விசாரணைக்கு அழைத்திருந்தார்.
பூங்குன்றனும் ஆஜராக உத்தரவு
டிடிவி தினகரன் ஆதரவாளர் வெற்றிவேலுக்கும் சம்மன் அனுப்பப்பட்டுள்ள நிலையில் டிடிவி தினகரன், இளவரசி மகள் கிருஷ்ணப்பிரியா, ஜெயலலிதாவின் உதவியாளர் பூங்குன்றம் ஆகியோர் விசாரணை கமிஷன் முன்பு ஆஜராக சம்மன் அனுப்பப்பட்டுள்ளது.
வேலை பார்த்தவர்களின் பட்டியல்
மேலும் அவர்களிடம் உள்ள வீடியோ ஆதாரங்களை 7 நாட்களுக்குள் கமிஷனிடம் ஒப்படைக்கவும் உத்தரவிட்டுள்ளது. இவர்களில் கிருஷ்ணப்பிரியா வரும் ஜனவரி 2-ஆம் தேதி ஆஜராகவுள்ளார். அப்பல்லோ மருத்துவர் சத்தியபாமா வரும் ஜனவரி 4-இல் ஆஜராக உத்தரவிடப்பட்டுள்ளது. 2016-ஆம் ஆண்டு ஜெயலலிதாவின் வேலை பார்த்தவர்களின் பட்டியலை கொண்டு வர பூங்குன்றனுக்கு உத்தரவிட்டுள்ளது.
