போதையில் கையில் பீர் பாட்டிலுடன் ஆட்டம் போட்ட தஞ்சை தவெக எம்எல்ஏ.. வைரலாகும் பழைய வீடியோ!

தஞ்சாவூர்: தஞ்சை தொகுதியில் வெற்றி பெற்று எம்.எல்.ஏ ஆகியிருக்கும் தவெகவின் விஜய் சரவணன், குடித்துவிட்டு போதையில் கையில் பீர் பாட்டிலுடன் நண்பர்களுடன் ஆட்டம் போட்ட வீடியோ தற்போது வைரலாகி வருகிறது. இந்த வீடியோ முன்பு எடுக்கப்பட்டது எனக் கூறப்படுகிறது.

தஞ்சாவூர் தொகுதியில் தமிழக வெற்றிக் கழகம் சார்பில் விஜய் சரவணன், திமுக சார்பில் சண். ராமநாதன், பாஜக சார்பில் கருப்பு முருகானந்தம், நாம் தமிழர் கட்சி சார்பில் கிருஷ்ணகுமார் ஆகியோர் களம் கண்டனர். தமிழக வெற்றிக் கழக வேட்பாளர் விஜய் சரவணன் 16,955 வாக்குகள் வித்தியாசத்தில் திமுக வேட்பாளர் ராமநாதனை தோற்கடித்துள்ளார்.

ஆர்.விஜய் சரவணன் 87,705 வாக்குகளை பெற்றார். திமுக வேட்பாளர் சண்.ராமநாதன் 70,750 வாக்குகள் பெற்றார். அதிமுக கூட்டணி சார்பில் போட்டியிட்ட பாஜக வேட்பாளர் கருப்பு முருகானந்தம் 26,790 வாக்குகளை பெற்றார். தவெக, தமிழகத்தில் தனிப்பெரும் கட்சியாக உருவெடுத்து ஆட்சியைப் பிடித்துள்ளது.

இந்நிலையில், தஞ்சை எம்.எல்.ஏ விஜய் சரவணன், சாலையோரம் தனது நண்பர்களுடன் குடித்துவிட்டு ஆட்டம் போடும் வீடியோ வைரலாகி வருகிறது. பீர் பாட்டிலை கையில் வைத்தபடி, விஜய் சரவணன் குத்தாட்டம் போடுகிறார். இந்த வீடியோ முன்பு எடுக்கப்பட்டது எனக் கூறப்படுகிறது. தஞ்சை தொகுதியில் விஜய் சரவணன் வெற்றி பெற்று எம்.எல்.ஏ ஆகியிருக்கும் நிலையில் இந்த வீடியோ தற்போது வைரலாகி வருகிறது.

English summary

Vijay Saravanan of the TVK, who was elected as the MLA for the Thanjavur constituency, is currently going viral in a video showing him dancing with friends while intoxicated and holding a beer bottle.