பிளஸ் 1 பொதுத்தேர்வு: எந்தெந்த பாடத்தில் எத்தனை சதவீதம் பேர் தேர்ச்சி?
Recommended Video
சென்னை: 11 ஆம் வகுப்பு பொதுத்தேர்வில் பாட வாரியாக தேர்ச்சி விகிதம் வெளியாகியுள்ளது.
பிளஸ் 1 வகுப்புக்கு இந்த ஆண்டு முதல் முறையாக பொதுத்தேர்வு நடத்தப்படும் என்று கடந்த ஆண்டு அரசு அறிவித்தது. அதன்படி இந்த ஆண்டு பிளஸ் 1 வகுப்புக்கு பொதுத்தேர்வு மார்ச் 7ம் தேதி முதல் ஏப்ரல் 16ம் தேதி வரை நடந்தது.
இந்த தேர்வை தமிழகம், புதுச்சேரியை சேர்ந்த 7070 மேனிலைப் பள்ளிகளில் பிளஸ் 1 வகுப்பு படித்த 8 லட்சத்து 61 ஆயிரத்து 915 மாணவ, மாணவியரும், தனித் தேர்வர்களாக 1753 மாணவ, மாணவியரும் எழுதினர். இந்நிலையில் பிளஸ் 1 தேர்வு முடிவுகள் இணையதளத்தில் வெளியாகியுள்ளது.
மாணவர்கள்
இதில் மொத்தமாக 91.3% மாணவ,மாணவிகள் தேர்ச்சியடைந்துள்ளனர். 11ஆம் வகுப்பு பொதுத்தேர்வில் மாணவர்கள் 84.7 பேர் 1 தேர்ச்சியடைந்துள்ளனர்.
இயற்பியல் - 93%
இந்நிலையில் பாடவாரியாக தேர்ச்சி விகிதம் வெளியாகியுள்ளது. அதன்படி இயற்பியல் பாடத்தில் 93% பேர் தேர்ச்சியடைந்துள்ளனர்.
வேதியியல்-உயிரியல்
வேதியியல் பாடத்தில் 92.7% பேர் தேர்ச்சி பெற்றுள்ளனர். உயிரியல் பாடத்தில் 96.9 சதவீத மாணவ மாணவிகள் தேர்சியடைந்துள்ளனர்.
கணிதம்-தாவரவியல்
கணிதம் பாடத்தில் 92.5 சதவீதம் பேர் தேர்ச்சி பெற்றுள்ளனர். தாவரவியல் பாடத்தில் 89.3 சதவீதம் மாணவ மாணவிகள் தேர்ச்சியடைந்துள்ளனர்.
வணிகவியல் 93.7%
விலங்கியல் பாடத்தில் 91.8 சதவீதம் மாணவ மாணவிகள் தேர்ச்சி பெற்றுள்ளனர். வணிகவியல் பாடத்தில் 93.7 சதவீதம் பேர் தேர்ச்சி அடைந்துள்ளனர்.
கணினி அறிவியல் - கணக்கு பதிவியல்
கணினி அறிவியல் பாடத்தில் 95.3 சதவீதம் பேர் தேர்ச்சியடைந்துள்ளனர். கணக்கு பதிவியலில் 93.8 சதவீதம் பேர் தேர்ச்சி பெற்றுள்ளனர்.
வரலாறு 87.40%
பொருளாதாரம் பாடத்தில் 92.59 சதவீதம் பேர் தேர்ச்சி பெற்றுள்ளனர். புவியியல் பாடத்தில் 96.45 சதவீதம் மாணவ மாணவிகள் தேர்ச்சியடைந்துள்ளனர். வரலாறு பாடத்தில் 87.40 சதவீதம் பேர் தேர்ச்சி பெற்றுள்ளனர்.