பழனிச்சாமியை விமர்சிக்கும் திமுக குமாரசாமியை விமர்சிக்காதது ஏன்- இல கணேசன்

தமிழக முதல்வர் பழனிச்சாமியை விமர்சிக்கும் திமுக குமாரசாமியை விமர்சனம் செய்யாதது ஏன் என்று பாஜக எம்.பி. இல கணேசன் கேள்வி எழுப்பியுள்ளார்.

By Lakshmi Priya

Published: Sunday, June 10, 2018, 14:02 [IST]

Subscribe to Oneindia Tamil

சென்னை: காவிரி விவகாரத்தில் தமிழக முதல்வரை விமர்சனம் செய்யும் திமுக கர்நாடகா முதல்வரை விமர்சனம் செய்யாதது ஏன் என்று பாஜக எம்பி இல கணேசன் கேள்வி எழுப்பியுள்ளார்.

காவிரி மேலாண்மை வாரியம் அமைக்காதது குறித்து மத்திய, மாநில அரசுகளை திமுக உள்ளிட்ட கட்சிகள் விமர்சனம் செய்து வருகின்றன. மேலும் காவிரி விவகாரத்தில் முதல்வர் எடப்பாடி பழனிச்சாமி பதவி விலக வேண்டும் என்ற கோரிக்கையும் வலுத்தது.

Ila Ganesan asks that why DMK is not questioning Karnataka CM?

இந்நிலையில் காவிரி விவகாரம் குறித்து அரசியல் கட்சிகள் கேள்வி எழுப்புவது குறித்து இல கணேசனிடம் செய்தியாளர்கள் கேள்வி எழுப்பினர். அப்போது அவர் கூறுகையில் காவிரி விவகாரத்தில் தமிழக முதலமைச்சரை விமர்சிக்கும் திமுக கர்நாடக முதல்வரை ஏன் விமர்சிக்கவில்லை?.

காவிரியில் நீர் திறக்க தேர்தல் நேரத்தில் எப்படி கர்நாடக முதல்வரிடம் பிரதமர் பேச முடியும்? பிரதமரையும், மத்திய அரசையும் வேண்டுமென்றே அரசியல்கட்சியினர் விமர்சித்து வருகின்றனர் என்றார் இல.கணேசன்.

Published On June 10, 2018