காவேரி மருத்துவமனையில் கமல்.. கருணாநிதி நலம் குறித்து விசாரித்தார்
சென்னை: மக்கள் நீதி மய்யம் தலைவர் கமல்ஹாசன் இன்று மாலை காவேரி மருத்துவமனைக்கு வந்து திமுக தலைவர் கருணாநிதி நலம் குறித்து விசாரித்தறிந்தார்.
திமுக தலைவர் கருணாநிதி உடல் நலக்குறைவால் காவேரி மருத்துவமனையில் அனுமதிக்கப்பட்டுள்ளார். அவரது உடல் நலம் நல்ல முன்னேற்றத்தைக் கண்டு வருகிறது.
கருணாநிதியின் உடல் நலம் குறித்து விசாரிக்க பல்வேறு தலைவர்களும், திரையுலகினரும் காவேரி மருத்துவமனைக்கு வந்தவண்ணம் உள்ளனர். நடிகர்கள் ரஜினி, விஜய், அஜீத் போன்றோர் சமீபத்தில் நேரில் வந்து விசாரித்தனர்.
நடிகர் கமல்ஹாசன், கோபாலபுரம் இல்லத்திற்கே நேரில் முதல் ஆளாக சென்று கருணாநிதியின் உடல் நலம் குறித்து விசாரித்திருந்தார். இன்று 2வது முறையாக கருணாநிதியின் உடல் நலம் குறித்து விசாரிக்க காவேரி மருத்துவமனைக்கு வந்தார்.
திமுக செயல் தலைவர் மு.க.ஸ்டாலின் உள்ளிட்டோரைச் சந்தித்து கருணாநிதி எப்படி இருக்கிறார் என்பது குறித்து அவர் கேட்டறிந்தார்.
Click it and Unblock the Notifications
Sign in with Google