அழகிரியை திமுகவில் மீண்டும் சேர்க்க கருணாநிதி குடும்பத்தில் பலரும் ஆதரவு.. ஆனால்!
அழகிரியை திமுகவில் மீண்டும் சேர்க்க கருணாநிதி குடும்பத்தில் ஒருதரப்பு எதிர்க்கிறதாம்.
Recommended Video
சென்னை: திமுகவில் மீண்டும் அழகிரியை சேர்க்க கருணாநிதி குடும்பத்தில் ஒருதரப்பினர் மிகவும் கடுமையாக எதிர்ப்பதாக தகவல்கள் தெரிவிக்கின்றன.
2014-ம் ஆண்டு திமுகவில் இருந்து நீக்கப்பட்டார் அழகிரி. அதன் பின்னர் அழகிரி தீவிர அரசியலில் ஈடுபடவில்லை. அண்மைக்காலமாக திமுக தலைவர் கருணாநிதியும் தீவிர ஓய்வில் இருக்கிறார்.
திமுகவில் ஒற்றை தலைமையாக செயல் தலைவர் மு.க.ஸ்டாலின் செயல்பட்டு வருகிறார். இந்த நிலையில் திடீரென கருணாநிதி அழைத்தால் திமுகவில் இணைவேன் என அழகிரி பேட்டியளித்திருப்பது பரபரப்பை ஏற்படுத்தியுள்ளது.
அழகிரிக்கு கருணாநிதி குடும்பம் ஆதரவு
இது தொடர்பாக திமுக வட்டாரங்களில் விசாரித்த போது, அழகிரியை மீண்டும் திமுகவில் சேர்ப்பதற்கு கருணாநிதி குடும்பத்தில் பெரும்பாலானோர் ஆதரவு தெரிவித்திருக்கின்றனர்.
அழகிரியுடன் பேச்சுவார்த்தை
கடந்த சில மாதங்களாக இது தொடர்பான பேச்சுவார்த்தைகளும் சுமூகமாகவே நடைபெற்று வந்திருக்கிறது. இதன் ஒரு பகுதியாகவே தாம் திமுகவில் மீண்டும் இணைய தயார் என்கிற அழகிரியின் கருத்து வெளிப்படுத்தப்பட்டதாம்.
கருணாநிதி குடும்பம் எதிர்க்கவில்லை
யாரும் எதிர்ப்பு தெரிவிக்காததால் அழகிரியும் இப்படி கூறியிருக்கிறார். ஆனால் அழகிரியின் நேற்றைய பேட்டியை கருணாநிதி குடும்பத்தில் கிச்சன் குயின் அணி மட்டும் கடுமையாக எதிர்க்கிறதாம்.
இரட்டைத் தலைமை ஆபத்து
இதுவரை ஒற்றைத் தலைமை இருக்கிறது. இனி இரட்டை தலைமை உருவாவது நல்லது அல்ல. தேவையில்லாத குடைச்சல் நமக்கு எதுக்கு என அந்த அணி தூபம் போட்டுக் கொண்டிருக்கிறதாம்.
Click it and Unblock the Notifications
Sign in with Google