கருணாநிதி கவலைக்கிடம்: சென்னை உட்பட தமிழகம் முழுவதும் ஆம்னி பேருந்துகள் சேவை ரத்து

சென்னையில் இருந்து வெளியூர் செல்லும் ஆம்னி பேருந்துகள் திடீரென ரத்து செய்யப்பட்டுள்ளது.

Updated: Tuesday, August 7, 2018, 18:22 [IST]

Subscribe to Oneindia Tamil

சென்னை: சென்னை உட்பட தமிழகம் முழுவதும் வெளியூர் செல்லும் ஆம்னி பேருந்துகள் ரத்து செய்யப்பட்டுள்ளன.

கருணாநிதியின் உடல்நிலை மிகவும் கவலைக்கிடமாக உள்ளதாக காவேரி மருத்துவமனை அறிக்கை வெளியிட்டுள்ளது. கடந்த சில மணி நேரங்களாக கருணாநிதியின் உடல்நிலை மிகவும் மோசமடைந்துள்ளதாக தெரிவிக்கப்பட்டுள்ளது.

தீவிர சிகிச்சை அளித்த போதும் கருணாநிதியின் முக்கிய உடல் உறுப்புகள் தொடர்ந்து மோசமடைந்து வருவதாக காவேரி மருத்துவமனை அறிக்கை வெளியிட்டுள்ளது.

பாதுகாப்பு

இதனால் கருணாநிதியின் குடும்பத்தினரும் தொண்டர்களும் பெரும் வேதனை அடைந்துள்ளனர். அதே நேரத்தில் சென்னை மாநகர் முழுவதும் போலீஸ் பாதுகாப்பு பலப்படுத்தப்பட்டுள்ளது.

ஆம்னி பேருந்து சேவை ரத்து

இதனிடையே சென்னையில் இருந்து வெளியூர் செல்லும் ஆம்னி பேருந்துகள் ரத்து செய்யப்பட்டுள்ளன. கன்னியாகுமரி, தூத்துக்குடி, ராமநாதபுரம் உள்ளிட்ட மாவட்டங்களில் இருந்து சென்னை வரும் ஆம்னி பேருந்துகளின் சேவை ரத்து செய்யப்பட்டுள்ளது.