உங்களுக்கும்தானே 100 யூனிட் மின்சாரம் இனாமா தரோம்.. ஆட்சியை அகற்ற நினைக்கலாமா?.. செல்லூரார் குசும்பு
மதுரை: ஆட்சியை அகற்ற நினைக்கும் ஸ்டாலினுக்கும் டிடிவிக்கும் 100 யூனிட் மின்சாரம் இலவசமாக தருகிறோம் என்று அமைச்சர் செல்லூர் ராஜூ விமர்சனம் செய்துள்ளார்.
மதுரையில் அண்ணா பிறந்தநாள் விழா கூட்டம் நேற்று நடைபெற்றது. இதில் அமைச்சர் செல்லூர் ராஜூ பேசினார். அப்போது அவர் கூறுகையில் ஆட்சியை அகற்ற நினைக்கும் ஸ்டாலினுக்கும் டிடிவிக்கும் 100 யூனிட் மின்சாரம் இலவசமாக தருகிறோம்.
ஸ்டாலினின் பண பலம் எங்களை ஒன்றும் செய்யாது. எங்களிடம் மக்கள் படை, இளைஞர் படை, மாணவர் படை உள்ளது.
எதிரியை சந்திக்க தயாராக உள்ளோம். திருப்பரங்குன்றம் இடைத்தேர்தலில் நிரூபிப்போம்.
இனி வரும் சட்டசபை தேர்தலில் திமுக தலைவர் ஸ்டாலின் எதிர்க்கட்சித் தலைவராக கூட வரமுடியாது. உள்ளாட்சி துறையில் ஊழல் என கூறும் ஸ்டாலின், என்னுடன் நேருக்கு நேர் விவாதிக்க தயாரா என்று செல்லூர் ராஜூ சவால் விடுத்துள்ளார்.
Click it and Unblock the Notifications
Sign in with Google